Maharashtra Weather Update : पुणे : राज्याच्या किमान तापमानात घट होऊ लागल्याने थंडीची चाहूल लागली आहे. विदर्भात गारठा जाणवत असला तरी किमान तापमानात काहीशी वाढ झाल्याचे दिसून येत आहे. किमान तापमानातील चढ-उतार कायम राहण्याची शक्यता हवामान विभागाने वर्तविली आहे.

आग्नेय अरबी समुद्रात समुद्र सपाटीपासून १.५ किलोमीटर उंचीवर चक्राकार वाऱ्यांची स्थिती कायम आहे. राज्याच्या काही भागात उन्हाचा चटका अनुभवायला मिळत असून, ढगाळ हवामानासह उकाड्यातही वाढ झाल्याचे दिसून येत आहे. राज्याच्या किमान तापमानातील वाढ-घट कायम राहण्याचे संकेत आहेत.

बुधवारी (ता. १३) सकाळपर्यंतच्या २४ तासांमध्ये रत्नागिरी येथे उच्चांकी ३४.३ अंश सेल्सिअस तापमान नोंदले गेले. राज्यात बहुतांश ठिकाणी कमाल तापमान २४ ते ३२ अंशांच्या दरम्यान होते. तर निफाड येथील गहू संशोधन केंद्रात राज्यातील नीचांकी १२.८ अंश सेल्सिअस किमान तापमानाची नोंद झाली.

बुधवारी (ता. १३) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :
पुणे ३१.४ (१५.०), जळगाव ३०.२ (१५.२), कोल्हापूर २९.६ (१८.५), महाबळेश्वर २५.३ (१४.४), नाशिक २९.८ (१४.१), निफाड २९.१ (१२.८), सांगली २९.५ (१७.१), सातारा ३०.० (१५.४), सोलापूर ३१.८(१७.५), सांताक्रूझ ३२.१ (१९.४), डहाणू २८.८ (१८.४), रत्नागिरी ३४.३ (२०.३), छत्रपती संभाजीनगर २८.६ (१५.२), नांदेड २९.२ (१७.२), परभणी २९.३ (१६.१), अकोला ३०.६ (१७.०), अमरावती २८.६ (१५.१), बुलडाणा २८.४ (१५.६), ब्रह्मपुरी ३१.३ (१५.६), चंद्रपूर २८.४(१४.०), गडचिरोली २९.० (१३.८), गोंदिया २७.६ (१३.६), नागपूर २८.४(१४.६), वर्धा २८.०(१५.०), वाशीम २९.४ (१४.८), यवतमाळ ३१.० (१५.५).