Pune News: राज्यात कमाल तापमानात वाढ झाल्याने उन्हाचा चटका उकाड्याने अंगाची लाहीलाही होत आहे. आज (ता. २०) मध्य महाराष्ट्रात तुरळक ठिकाणी उष्ण व दमट हवामानाचा अंदाज असल्याने, तसेच विदर्भात तुरळक ठिकाणी वादळी पावसाची शक्यता असल्याने दक्षतेचा इशारा (येलो अलर्ट) कायम आहे. उर्वरित राज्यात अंशतः ढगाळ आकाशासह उन्हाचा चटका कायम राहण्याचा अंदाज हवामान विभागाने वर्तविला आहे.

दक्षिण उत्तर प्रदेश आणि परिसरावर समुद्र सपाटीपासून १.५ किलोमीटर उंचीवर चक्राकार वारे वाहत आहेत. विदर्भापासून, तेलंगणा, कर्नाटक, रायलसीमा, तमिळनाडू ते मनारच्या आखातापर्यंत हवेचा कमी दाबाचा पट्टा सक्रिय आहे. राज्यात अंशतः ढगाळ आकाश होत असून, उन्हाचा चटका आणि उकाडा वाढत आहे.

शनिवारी (ता. १९) सकाळपर्यंतच्या २४ तासांमध्ये राजस्थानच्या चुरू येथे देशातील उच्चांकी ४५.४ अंश, तर अकोला येथे राज्यातील उच्चांकी ४४.२ अंश सेल्सिअस तापमानाची नोंद झाली. अमरावती, धुळे, जळगाव, यवतमाळ, सोलापूर, जेऊर आणि नागपूर येथे ४३ अंश, तर परभणी, चंद्रपूर आणि वर्धा येथे ४२ अंशांपेक्षा अधिक तापमानाची नोंद झाली. मालेगाव, छत्रपती संभाजीनगर, धाराशिव, गडचिरोली आणि गोंदिया येथे तापमानाचा पारा ४१ अंशांच्या वर होता.

आज (ता. २०) मध्य महाराष्ट्रातील पुणे, सातारा, सोलापूर आणि कोल्हापूर जिल्ह्यांत तुरळक ठिकाणी उष्ण व दमट हवामानाचा अंदाज आहे, तसेच पूर्व विदर्भातील यवतमाळ, चंद्रपूर आणि गडचिरोली जिल्ह्यांत वादळी पावसाचा अंदाज असल्याने दक्षतेचा इशारा (येलो अलर्ट) देण्यात आला आहे. उर्वरित राज्यात अंशतः ढगाळ आकाश, उष्ण हवामानाचा अंदाज कायम आहे.

शनिवारी (ता. १९) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

ठिकाणे---तापमान कमाल---तापमान किमान

पुणे---४०.५---२२.५

अहिल्यानगर---निरंक---२२.७

धुळे---४३.५---२०.०

जळगाव---४३.५---२६.६

जेऊर---४३.०---२३.०

कोल्हापूर---३७.८---२३.६

महाबळेश्‍वर---३२.६---१९.५

मालेगाव---४१.८---२५.०

नाशिक---४०.०---२२.२

निफाड---३९.९---१९.०

सांगली---३९.२---२४.०

सातारा---४०.२---२४.०

सोलापूर---४३.२---२६.६

सांताक्रूझ---३२.८---२५.६

डहाणू---३५.४---२५.३

रत्नागिरी---३२.५---२५.२

छत्रपती संभाजीनगर---४१.८---२६.६

धाराशिव---४१.६---२५.४

परभणी---४२.३---२६.५

परभणी (कृषी)---४०.२---२३.८

अकोला---४४.२---२६.८

अमरावती---४३.६---२५.६

भंडारा---४०.४---२६.४

बुलडाणा---४०.२---२७.६

चंद्रपूर---४२.६---निरंक

गडचिरोली---४१.६---२२.६

गोंदिया---४१.६---२५.४

नागपूर---४३.०---२६.८

वर्धा---४२.१---२५.८

वाशीम---४१.८---निरंक

यवतमाळ---४३.४---२७.६

सरासरी तापमान (अंश से.)

विभाग---किमान---कमाल

विदर्भ---२२.६---४४.२

मराठवाडा---२३.८---४२.३

पश्‍चिम महाराष्ट्र---१९.५---४३.२

उत्तर महाराष्ट्र---१९.०---४३.५

कोकण---२५.२---३५.४

रविवारी (ता. २०) राज्यातील उष्ण हवामान आणि पावसाचा अंदाज दर्शविणारा नकाशा (स्रोत : हवामान विभाग) :

उष्ण व दमट हवामानाचा इशारा (येलो अलर्ट) :

पुणे, सातारा, सोलापूर, कोल्हापूर.

वादळी पावसाचा इशारा (येलो अलर्ट) :

यवतमाळ, चंद्रपूर, गडचिरोली.

४३ अंशांपेक्षा अधिक तापमान असलेली ठिकाणे :

अकोला ४४.२, अमरावती ४३.६, धुळे ४३.५, जळगाव ४३.५, यवतमाळ ४३.४, सोलापूर ४३.२, जेऊर ४३, नागपूर ४३.