Pune News : उत्तरेकडील थंडी वाऱ्यांनी महाराष्ट्रात थंडीची लाट टिकून आहे. अनेक ठिकाणी पारा १० अंशांच्या खाली आला. घसरल्याने हुडहुडी कायम आहे. आज धुळे येथील कृषी महाविद्यालयात नीचांकी ५ अंश तापमान नोंद झाली होती. राज्यात तापमानात चढ-उतार होण्याची शक्यता आहे.

लक्षद्वीप आणि परिसरावर चक्राकार वाऱ्यांची स्थिती विरून गेली आहे. नैर्ऋत्य बंगालच्या उपसागरात कमी दाब क्षेत्र सक्रिय असून, ही प्रणाली तमिळनाडूच्या किनाऱ्याकडे येताना ही प्रणाली आणखी तीव्र होणार आहे.

देशाच्या उत्तरेकडील राज्यांमध्ये थंडीचा कडाका कायम असल्याने राजस्थानमधील चूरु येथे देशाच्या सपाट भूभागावरील नीचांकी १.८ अंश सेल्सिअस तापमानाची नोंद झाली.

राज्यातही अनेक भागात किमान तापमानातील घट कायम आहे. जेऊर येथे आज ६ अंश सेल्सिअस तापमानाची नोंद झाली. मोहोळ येथे ६.९ अंश सेल्सिअस तापमान होते. तसेच नगर, जळगाव, नांदेड, नाशिक, धाराशिव, सातारा, उदगीर, तुळगा येथे किमान तापमान हे १० अंशांपेक्षाही कमी होते. तसेच राज्यातील तापमानात पुढील दोन दिवसांमध्ये चढ उतार दिसतील, असाही अंदाज हवामान विभागान दिला.