Pune News: उन्हाच्या झळांनी होरपळत असलेल्या महाराष्ट्राला काहीसा दिलासा मिळाला आहे. विदर्भासह राज्याच्या कमाल तापमानात लक्षणीय घट दिसून आली आहे. आज (ता. २९) पूर्व विदर्भात वादळी वाऱ्यासह पावसाची शक्यता असल्याने दक्षतेचा इशारा (येलो अलर्ट) आहे. तर मराठवाड्यात तुरळक ठिकाणी उष्ण व दमट हवामानाची शक्यता हवामान विभागाने वर्तविली आहे.

नैर्ऋत्य राजस्थान आणि परिसरावर समुद्र सपाटीपासून १.५ किलोमीटर उंचीवर चक्राकार वारे वाहत आहे. त्यापासून उत्तर मध्य महाराष्ट्रापर्यंत हवेचा कमी दाबाचा पट्टा सक्रिय झाला आहे. तर पश्चिम विदर्भापासून मराठवाडा, कर्नाटक ते उत्तर केरळपर्यंत दक्षिणोत्तर हवेचा कमी दाबाचा पट्टा कायम आहे. राज्यात उन्हाचा चटका कमी झाला असला तरी उकाडा आणि घामाच्या धारा त्रासदायक ठरत आहे. तुरळक ठिकाणी अंशतः ढगाळ हवामान होत असून, दक्षिण मध्य महाराष्ट्र, मराठवाड्यात तुरळक ठिकाणी वादळी पावसाने हजेरी लावली.

सोमवारी (ता. २८) सकाळपर्यंतच्या २४ तासांमध्ये ‎मालेगाव, ‎परभणी, अकोला आणि वाशीम येथे राज्यतील उच्चांकी ४२.४ अंश सेल्सिअस तापमानाची नोंद झाली. जळगाव येथे ४२ अंशापेक्षा अधिक तापमानाची नोंद झाली. ‎‎धुळे, ‎निफाड, ‎छत्रपती संभाजीनगर, ‎धाराशिव, ‎अमरावती व ‎ब्रह्मपुरी येथे ४१ अंशांपेक्षा अधिक, अहिल्यानगर, ‎जेऊर, ‎सोलापूर, भंडारा व ‎बुलडाणा येथे ४० अंशांपेक्षा अधिक तापमान नोंदले गेले. राज्याच्या कमाल तापमानात १ ते ६ अंशांची लक्षणीय घट झाली आहे.

‎आज (ता. २९) परभणी, हिंगोली आणि नांदेड येथे उष्ण व दमट हवामानाची शक्यता आहे. ‎तसेच यवतमाळ, नागपूर, वर्धा, भंडारा, गोंदिया, चंद्रपूर आणि गडचिरोली या जिल्ह्यात वादळी वाऱ्यासह पावसाचा अंदाज असल्याने दक्षतेचा इशारा (येलो अलर्ट) देण्यात आला आहे. उर्वरित राज्यात अंशतः ढगाळ आकाश आणि कमाल तापमानात चढ-उतार होण्याची शक्यता हवामान विभागाने वर्तविली आहे.

सोमवारी (ता. २८) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---३९.४---२१.६

अहिल्यानगर---४०.८---२३.३

‎‎धुळे---४१.५---१९.२

‎जळगाव---४२.३---२६.०

‎जेऊर---४०.५---२२.५

‎कोल्हापूर---३७.१---२३.३

‎महाबळेश्वर---३३.६---१९.१

‎मालेगाव---४२.४---२६.०

‎नाशिक---३९.८---२१.७

‎निफाड---४१.३---१९.७

‎सांगली---३८.४---२३.०

‎सातारा---३९.७---२२.५

‎सोलापूर---४०.०---२४.६

‎सांताक्रूझ---३३.८---२६.८

‎डहाणू---३६.२---२५.५

‎रत्नागिरी---३३.६---२५.६

‎छत्रपती संभाजीनगर---४१.७---२४.६

‎धाराशिव---४१.८---२२.०

‎परभणी---४२.४---२६.०

‎परभणी (कृषी)---३८.५---२४.३

‎अकोला---४२.४---२८.६

‎अमरावती---४१.२---२५.९

‎भंडारा---४०.०---२०.०

‎बुलडाणा---४०.२---२५.५

‎ब्रह्मपुरी---४१.०---२३.८

‎चंद्रपूर---३८.२---निरंक

‎गडचिरोली---३६.०---२३.०

‎गोंदिया---३७.४---१८.६

‎नागपूर---३९.२---२४.०

‎वर्धा---३९.९---२५.६

‎वाशीम---४२.४---निरंक

‎यवतमाळ---३८.८---२५.४

सरासरी तापमान (अंश से.)

‎विभाग---किमान---कमाल

‎विदर्भ---१८.६---४२.४

‎मराठवाडा---२२.०---४२.४

‎पश्चिम महाराष्ट्र---१९.१---४०.५

‎उत्तर महाराष्ट्र---१९.२---४२.४

‎कोकण---२५.५---३६.२

४२ अंशांपेक्षा अधिक तापमान असलेली ठिकाणे :

‎मालेगाव ४२.४, ‎परभणी ४२.४, अकोला ४२.४, वाशीम ४२.४, जळगाव ४२.३.

‎उष्ण व दमट हवामानाचा इशारा (येलो अलर्ट) :

परभणी, हिंगोली, नांदेड.

वादळी पावसाची शक्यता (येलो अलर्ट) :

यवतमाळ, नागपूर, वर्धा, भंडारा, गोंदिया, चंद्रपूर, गडचिरोली.