Pune News: राज्यातील उन्हाचा चटका वाढतच आहेत. रत्नागिरी येथे आज देशातील सर्वाधिक ३८.६ अंश सेल्सिअस तापमानाची नोंद झाली होती. राज्यात सकाळच्या किमान तापमानातही वाढ झाली.

तर राज्याच्या दक्षिणेकडील जिल्ह्यात आकाश अंशतः ढगाळ होण्याची शक्यता आहे. तर तुरळक ठिकाणी पावसाला पोषक हवामान होण्याचा अंदाज आहे, असे हवामान विभागाने म्हटले आहे. 

उत्तर भारतातही थंडीचा कडाका काहीसा कमी झालेला आहे. देशातील किमान तापमानही वाढले आहे. आज हरियानातील अंबाला येथे देशातील उच्चांकी ८.७ अंश सेल्सिअस तापमानाची नोंद झाली. तर देशातील सर्वाधिक तापमान महाराष्ट्रातील रत्नागिरी येथे होते. रत्नागिरीत आज ३८.६ अंश सेल्सिअस तापमानाची नोंद झाली होती. यामुळे उन्हाचा चटका असह्य होत आहे.

रायलसीमापासून दक्षिण छत्तीसगडपर्यंत हवेचा कमी दाबाचा पट्टा सक्रिय आहे. देशातील कमाल तापमानात वाढ होत आहे. कोकण, दक्षिण मध्य महाराष्ट्र आणि विदर्भातील अनेक भागात तापमानात वाढ झाल्याने उन्हाचा चटका वाढला आहे. सांताक्रूझ, सांगली, जेऊर, परभणी, सोलापूर येथे तापमानाचा पारा ३६ अंशाच्या पुढे होते. 

राज्यात किमान आणि कमाल तापमानात वाढ होत आहे. ही वाढ कायम राहण्याचा अंदाज आहे. तर आज दक्षिण महाराष्ट्र आणि विदर्भातील काही भागात अंशतः ढगाळ वातावरणाचा अंदाज आहे. राज्यातील तापमानात आणखी होण्याचाही अंदाज हवामान विभागाने दिला.