Weather Forecast Agrowon
हवामान

Weather Forecast : कोकण, मध्य महाराष्ट्र, मराठवाड्यात पावसाचा अंदाज

Rain Forecast : राज्यात पावसाला पोषक हवामान झाल्याने आजपासून (ता. २४) कोकण, मध्य महाराष्ट्र आणि मराठवाड्यात जोरदार वारे, विजांसह पावसाचा इशारा देण्यात आला आहे.

अमोल कुटे

Pune News : राज्यात पावसाला पोषक हवामान झाल्याने आजपासून (ता. २४) कोकण, मध्य महाराष्ट्र आणि मराठवाड्यात जोरदार वारे, विजांसह पावसाचा इशारा देण्यात आला आहे. रविवारी (ता. २६) राज्यात तुरळक ठिकाणी गारपीट होण्याची शक्यता आहे. तर उर्वरित राज्यात ढगाळ हवामानासह कमाल आणि किमान तापमानात चढ-उतार होण्याचा अंदाजही हवामान विभागाने वर्तविला आहे.

पूर्वेकडून वाहणाऱ्या वाऱ्यांच्या प्रभावामुळे मालदीव पासून महाराष्ट्राच्या दक्षिण किनारपट्टीपर्यंत हवेचा कमी दाबाचा पट्टा तयार झाला आहे. तामिळनाडूच्या आणि केरळमध्ये असलेली चक्राकार वाऱ्यांची स्थिती वरील प्रणालीमध्ये मिसळून गेली आहे.

दक्षिण अंदमान समुद्रात चक्राकार वाऱ्यांची स्थिती तयार होत असून, या वाऱ्यांच्या प्रभावामुळे रविवारपर्यंत (ता. २६) कमी दाबाचे क्षेत्र तयार होण्याची, तसेच त्याची तीव्रता वाढण्याची शक्यता आहे.

आजपासून (ता.२४) कोकणातील रायगड, रत्नागिरी, सिंधुदुर्ग, मध्य महाराष्ट्रातील नगर, पुणे, सातारा, कोल्हापूर, सांगली, सोलापूर आणि मराठवाड्यातील धाराशिव, लातूर जिल्ह्यात जोरदार वारे, विजांसह पावसाचा इशारा (येलो अलर्ट) देण्यात आला आहे.

तर नाशिक, बीड, नांदेड जिल्ह्यात तुरळक ठिकाणी विजांसह पावसाची शक्यता आहे. रविवारी (ता. २६) नंदूरबार जिल्ह्यात मुसळधार पावसाचा, तर धुळे, नाशिक, छत्रपती संभाजीनगर जिल्ह्यात तुरळक ठिकाणी गारपीट होण्याचा इशाराही देण्यात आला आहे.

दरम्यान, गुरूवारी (ता. २३) सकाळपर्यंतच्या २४ तासांमध्ये रत्नागिरी येथे राज्यातील उच्चांकी ३६.५ अंश सेल्सिअस तापमान नोंदले गेले. उर्वरित राज्यात कमाल तापमान ३१ ते ३५ अंशाच्या दरम्यान स्थरावला आहे. किमान तापमानातही चढ-उतार सुरूच असून, गुरूवारी (ता. २३) निफाड येथील गहु संशोधन केंद्रात राज्यातील नीचांकी १२.६ अंश सेल्सिअस तापमानाची नोंद झाली.

गुरूवारी (ता. २३) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३१.७ (१५.६), धुळे ३२.० (१३.०), जळगाव ३२.६(१४.०), कोल्हापूर ३०.६ (२०.२), महाबळेश्वर २८.१ (१५.९), नाशिक ३१.२ (१५.०), निफाड ३०.५ (१२.६), सांगली ३१.७ (२०.२), सातारा ३२.१ (१८.०), सोलापूर ३४.८(२१.८), सांताक्रूझ ३५.५ (२१.६), डहाणू ३१.४ (२१.८), रत्नागिरी ३६.५ (२१.६),

छत्रपती संभाजीनगर ३१.८ (१६.६), नांदेड ३२.२ (२०.४), परभणी ३२.० (१८.२), अकोला ३४.८ (१७.५), अमरावती ३१.८ (१८.३), बुलढाणा ३१.० (१७.०), ब्रह्मपूरी ३३.३ (१७.८), चंद्रपूर ३१.८(१७.४), गडचिरोली ३१.२ (१६.६), गोंदिया ३०.९ (१५.५), नागपूर ३१.३(१६.६), वर्धा ३१.५(१७.५), वाशीम ३३.२(१६.८), यवतमाळ ३३.७ (१६.०).

जोरदार वारे, विजांसह पावसाचा इशारा (येलो अलर्ट):

रायगड, रत्नागिरी, सिंधुदुर्ग, नगर, पुणे, सातारा, कोल्हापूर, सांगली, सोलापूर, धाराशिव, लातूर.

विजांसह पावसाचा इशारा :

नाशिक, बीड, नांदेड.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Manjara Dam: ‘नॅचरल’च्या वतीने मांजरा धरणातील पाण्याचे जलपूजन

Bioenergy Award: विस्मा तर्फे ‘श्री गुरुदत्त’ला उत्कृष्ट बायोएनर्जी उत्पादक पुरस्कार

Solar Energy Project: सौर ऊर्जा प्रकल्प उभारणार: अध्यक्ष मानसिंगराव नाईक

Animal Feed : चारा-पाण्याचा प्रश्न खानदेशात सुटण्याचे संकेत

Cotton Crop Disease: लाखेगाव, अलीपुरातील कपाशी पिकावर ‘मर’ रोगाचा फटका

SCROLL FOR NEXT