Pune News : राज्यातील काही भागात मागील दोन दिवसांपासून हलक्या सरी पडत आहेत. तर सकाळी हवेतील गारवाही वाढत असून थंडीची चाहूल लागली आहे. हवामान विभागाने राज्यात काही ठिकाणी हलक्या पावसाचा अंदाज दिला. तर बहुतांशी ठिकाणी पावसाची उघडीप राहील, असे सांगितले.

हवामान विभागाने आज कोकणातील सिंधुदूर्ग, रत्नागिरी आणि रायगड तसेच मध्य महाराष्ट्रातील कोल्हापूर, सातारा, सांगली, पुणे, सोलापूर तर मराठवाड्यातील बीड, लातूर, धाराशिव आणि नांदेड जिल्ह्यात काही ठिकाणी विजांसह हलक्या ते मध्यम पावसाचा अंदाज व्यक्त केला. तसेच नगर, परभणी आणि हिंगोली जिल्ह्यात काही ठिकाणी हलक्या पावसाची शक्यता व्यक्त केली. 

उद्या कोकणातील सिंधुदूर्ग आणि रत्नागिरी तसेच मध्य महाराष्ट्रातील कोल्हापूर आणि सातारा तर मराठवाड्यातील लातूर आणि धाराशिव जिल्ह्यात काही ठिकाणी विजांसह हलक्या ते मध्यम पावसाचा अंदाज हवामान विभागाने दिला. तर रायगड, ठाणे, पुणे, अहिल्यानगर, सांगली, सोलापूर, बीड आणि नांदेड जिल्ह्यात काही ठिकाणी हलक्या सरींचा अंदाज आहे. 

शनिवारी आणि रविवारी दक्षिण कोकण, दक्षिण मध्य महाराष्ट्र आणि मराठवाड्याच्या दक्षिण भागात काही ठिकाणी हलक्या पावसाचा अंदाज आहे. मात्र राज्याच्या इतर भागात पाऊस नसेल. सोमवारी राज्यात वातावरण कोरडे राहण्याचा अंदाज हवामान विभागाने दिला.