Pune News: राज्यातील अनेक भागात मागील दोन दिवसांपासून पाऊस हजेरी लावत आहे. पुढील ५ दिवस राज्यात ठिकठिकाणी जोरदार पावसाचा अंदाज आहे. विदर्भातील काही भागात मात्र पावसाचा जोर कमीच राहील, असा अंदाज हवामान विभागाने दिला. 

कोकणातील सर्वच जिल्ह्यांमध्ये पुढील ५ दिवस जोरदार पावसाचा अंदाज आहे. सिंधुदूर्ग, रत्नागिरी, रायगड, मुंबई, ठाणे आणि पालघर जिल्ह्यात अनेक ठिकाणी जोरदार पावसाची शक्यता आहे.

मध्य महाराष्ट्रातील कोल्हापूर, सातारा, पुणे आणि नाशिक जिल्ह्याच्या घाटमाथ्यावरही जोरदार पावसाची शक्यता आहे. या जिल्ह्यांच्या इतर भागात मात्र हलक्या ते मध्यम पावसाची शक्यता आहे. सांगली, सोलापूर आणि अहिल्यानगर जिल्ह्यातही काही ठिकाणी जोरदार पावसाची शक्यता आहे. 

मराठवाड्यातील जिल्ह्यांमध्ये पावसाचा जोर कमीच राहण्याची शक्यता आहे. मराठवाड्यातील सर्वच जिल्ह्यांमध्ये पुढील ५ दिवस काही ठिकाणी हलक्या ते मध्यम पावसाचा अंदाज आहे. आज छत्रपती संभाजीनगर, जालना, परभणी, नांदेड आणि हिंगोली जिल्ह्यात काही ठिकाणी जोरदार पावसाची शक्यता आहे. 

विदर्भातील अकोला, अमरावती, नागपूर, गोंदीया, चंद्रपूर आणि गडचिरोली जिल्ह्यात  आज काही ठिकाणी जोरदार पावसाची शक्यता आहे. उद्या आणि परवा विदर्भातील जिल्ह्यांमध्ये पावसाचा जोर कमी राहणार आहे. तर शनिवारपासून पुन्हा विदर्भात पावसाचा जोर वाढेल, असा अंदाज हवामान विभागाने दिला.