Pune News : राज्यात सध्या सकाळी हवेतील गारवा वाढत आहे. तर दुपारी उन्हाचा चटका जाणवत आहे. तसेच राज्यातील काही भागात हलक्या सरी देखील हजेरी लावत आहेत. हवामान विभागाने राज्यातील काही भागात हलक्या ते मध्यम पावसाचा अंदाज दिला. 

हवामान विभागाने आज कोकण, मध्य महाराष्ट्र आणि मराठवाड्यातील काही भागात पावसाचा अंदाज आहे. आज कोकणातील सिंधुदूर्ग, रत्नागिरी, रायगड आणि ठाणे जिल्ह्यात तर मध्य महाराष्ट्रातील कोल्हापूर, पुणे, सातारा, सोलापूर, नगर आणि नाशिक तसेच मराठवाड्यातील परभणी, हिंगोली, नांदेड, लातूर, धाराशिव आणि बीड जिल्ह्यात काही ठिकाणी विजांसह हलक्या ते मध्यम पावसाचा अंदाज दिला. 

उद्या आणि गुरुवारीही कोकणातील सिंधुदूर्ग, रत्नागिरी, रायगड मध्य महाराष्ट्रातील पुणे, सातारा, कोल्हापूर, सातारा, सांगली, नगर तसेच मराठवाड्यातील बीड, लातूर, धाराशिव आणि नांदेड जिल्ह्यातील काही ठिकाणी विजांसह हलक्या ते मध्यम पावसाचा येलो अलर्ट दिला. शुक्रवारी पावसाचे प्रमाण कमी होण्याची शक्यता आहे.

सिंधुदूर्ग, रत्नागिरी, कोल्हापूर, सातारा आणि पुणे जिल्ह्यात काही ठिकाणी हलक्या पावसाचा येलो अलर्ट देण्यात आला. तर सांगली, सोलापूर, नगर मराठवाड्यातील बीड, लातूर आणि नांदेड जिल्ह्यात काही ठिकाणी हलक्या पावसाचा अंदाज आहे.