Pune News: माॅन्सूनची वाटचाल यंदा वेगाने सुरु आहे. माॅन्सून सरासरी वेळेच्या ५ दिवस आधीच अंदमानात दाखल झाला. माॅन्सूनने दक्षिण बंगालच्या उपसागराचा काही भाग, दक्षिण अंदमान समुद्राचा काही भाग, निकोबार बेटे आणि उत्तर अंदमान समुद्राच्या काही भागापर्यंत वाटचाल केली. पुढील ३ ते ४ दिवसांत माॅन्सून आणखी काही भागात प्रगती करेल, असा अंदाज हवामान विभागाने दिला. 

निकोबार बेटांवर मागील २४ तासांमध्ये काही ठिकाणी मध्यम तर काही ठिकाणी जोरदार पाऊस पडत आहे. तर मागील २ दिवसांमध्ये काही भागात सर्वदूर पाऊस पडत आहे. मागील २ दिवसांमध्ये पश्चिमी वाऱ्यांचा वेग आणि खोली दक्षिण बंगालचा उपसागर, निकोबार बेटे आणि अंदमान समुद्रात वाढला आहेत.

पश्चिमी वाऱ्यांचा वेग समुद्राच्या सरासरी पातळीच्या १.५ किलोमीटर उंचीवर २० नाॅट्सपेक्षा अधिक आहे. तर दक्षिण बंगालचा उपसागर, निकोबार बेटे आणि अंदमान समुद्रात पश्चिमी वाऱ्यांची खोली ४.५ किलोमीटर उंचीवर आहे. 

वरील सर्व घडामोडी लक्षात घेऊन माॅन्सून आज दक्षिण बंगालचा उपसागर, दक्षिण अंदमान समुद्रात, निकोबार बेटे आणि उत्तर अंदमान समुद्राच्या काही भागात दाखल झाल्याचे हवामान विभागाने जाहीर केले. तसेच माॅन्सूनच्या वाटचालीसाठी पोषक हवामान आहे.

त्यामुळे पुढील ३ ते ४ दिवसांत माॅन्सून दक्षिण अरबी समुद्राचा काही भाग, मालदीव आणि कोमोरिनचा काही भाग तसेच दक्षिण बंगालच्या उपसागराचा काही भाग, संपूर्ण अंदमान आणि निकोबार बेटे, उरलेला अंदमान समुद्राचा भाग आणि बंगालाच्या उपसागराच्या काही भागात प्रगती करेल, असाही अंदाज हवामान विभागाने दिला.