Pune News: राज्यात थंडीचा हंगाम अंतिम टप्प्यात आला असून, उन्हाळ्याची चाहूल लागली आहे. किमान आणि कमाल तापमानात वाढ होऊ लागली आहे. शनिवारी (ता. ८) सकाळपर्यंतच्या २४ तासांमध्ये सोलापूर येथे उच्चांकी ३६ अंश तापमानाची नोंद झाली आहे. आज (ता. ९) कमाल आणि किमान तापमानातील चढ-उतार कायम राहण्याचा अंदाज हवामान विभागाने वर्तविला आहे.

वायव्य भारतात १२.६ किलोमीटर उंचीपर्यंत १३५ नॉट्स वेगाने पश्‍चिमेकडील जोरदार वाऱ्यांचे प्रवाह कायम आहेत. वायव्य भारतात थंडीचा कडाका पुन्हा वाढला असून, शनिवारी (ता. ८) पश्चिम मध्य प्रदेशातील येथे देशाच्या सपाट भूभागावरील नीचांकी ५ अंश सेल्सिअस तापमानाची नोंद झाली. तर राज्यात धुळे येथील कृषी महाविद्यालयात राज्यातील नीचांकी १०.५ अंश सेल्सिअस तापमानाची नोंद झाली. उर्वरित राज्यात बहुतांश ठिकाणी किमान तापमानाचा पारा १४ ते २२ अंशांच्या दरम्यान आहे.

राज्यात थंडी कमी झाली असून, कमाल तापमानात देखील चढ-उतार होत आहे. शनिवारी (ता. ८) सकाळपर्यंतच्या २४ तासांमध्ये सोलापूर, रत्नागिरी आणि जेऊर येथे तापमान ३५ अंशांपार आहे. अनेक ठिकाणी तापमान ३३ ते ३६ अंशांच्या दरम्यान असल्याने उन्हाचा चटका कायम आहे. आज (ता. ९) राज्यात कमाल आणि किमान तापमानातील वाढ कायम राहण्याचा अंदाज वर्तविण्यात आला आहे.

शनिवारी (ता. ८) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

ठिकाणे---तापमान कमाल---तापमान किमान

पुणे---३४---१६.४

अहिल्यानगर---३४---१७.६

धुळे---२९.५---१०.५

जळगाव---निरंक---१४.८

जेऊर---३५.५---१६.५

कोल्हापूर---३३.२---१९.६

महाबळेश्वर---२९.१---१७.१

मालेगाव---२९.२---१६

नाशिक---३१.३---१५.५

निफाड---३०---१३.३

सांगली---३४.४---१८.३

सातारा---३३.७---१७.१

सोलापूर---३६---२१.९

सांताक्रूझ---३३.९---२०.५

डहाणू---२९.३---१८.३

रत्नागिरी---३५.७---१९.८

छत्रपती संभाजीनगर---३२.४---१८.२

धाराशिव---निरंक---१८.१

परभणी---३३.९---१७.९

परभणी (कृषी)---३३.२---१६.१

अकोला---३२.९---१८.२

अमरावती---३१.८---१५.५

भंडारा---२९.२---१५

बुलडाणा---३०.५---१७.८

ब्रह्मपुरी---३२.२---१५.९

चंद्रपूर---३२.४---निरंक

गडचिरोली---३१.६---१५

गोंदिया---२८.२---१६.३

नागपूर---३०.४---१६.३

वर्धा---३१---१७

वाशीम---३४.२---२१

यवतमाळ---३०.६---१५

३५ अंशांपेक्षा अधिक तापमान असलेली ठिकाणे :

सोलापूर ३६, रत्नागिरी ३५.७, जेऊर ३५.५.