Pune News : पावसासाठी पोषक वातावरण नसल्याने पावसाचा जोर काहीसा कमी झाला आहे. कोकणातील रत्नागिरी, सिंधुदुर्ग जिल्ह्यांत अनेक ठिकाणी जोरदार पाऊस पडला. तर ठाणे, रायगड जिल्ह्यांत हलका पाऊस पडला. मध्य महाराष्ट्रातील पुणे, सातारा, कोल्हापूर तुरळक ठिकाणी जोरदार पाऊस पडला. विदर्भातील यवतमाळ, भंडारा जिल्ह्यांत अनेक ठिकाणी हलका ते मध्यम पाऊस पडला आहे.

सिंधुदुर्गमधील आबोली मंडलात ७३.८, कणकवली ७२, फोंडा ७०.५ मिलिमीटर पाऊस पडला. रत्नागिरीतील पुनस मंडलात ६९.३ मिलिमीटर पाऊस पडला. ठाणे जिल्ह्यातील पडघा ५२.५, रायगडमधील चानेरा ५३.३ मिलिमीटर पाऊस पडला. या पावसामुळे ओढे, नाले खळाळून वाहू लागले आहेत. पुणे जिल्ह्यातील वेल्हा मंडलात ६४.३ मिलिमीटर पाऊस पडला.

साताऱ्यातील महाबळेश्‍वर मंडलात ७०.८, मिलिमीटर, कोल्हापुरातील आंबा ६६.३, बांबवडे ६० मिलिमीटर पाऊस पडला. नगर, सोलापूर, नाशिक, जळगाव, धुळे, नंदुरबार, सांगली भागात उघडीप होती. पुणे, सातारा, कोल्हापूर जिल्ह्याच्या पूर्व भागात ढगाळ वातावरण होते. यवतमाळमधील मालखेड मंडलात ७१.० मिलिमीटर पाऊस पडला.

गुरुवारी (ता.४) सकाळी आठ वाजेपर्यंत झालेला मंडलनिहाय पाऊस, मिलिमीटरमध्ये : (स्रोत कृषी विभाग)

कोकण : वाकवली ५०.५, पालगड ५४.५, वेळवी ४९.०, भरणे ५१, आबलोली ५४.५, देवळे ५०.८, लांजा ५४.५, विलवडे ५०.३, बांदा ६२, सांगवे ५७, भेडशी ५२.५.

विदर्भ : यवतमाळ ४५.८, कोपरा ३१, हिवरी २५.५, लोहारा ४७, वणी ४१, सावर ५९.५, दिग्रज ४६.५, सिंगड ४२.५, नेर ५६.८, मालखेड ७१.