Pune News : राज्याच्या किमान तापमानात चढ-उतार सुरू आहे. गेल्या दोन दिवसांत किमान तापमानात वाढ झाली असली, तरी गारठा कायम आहे. राज्यातील किमान तापमानाचा पारा पुन्हा १० अंशांच्या वर गेला आहे. आज (ता. २१) मध्य महाराष्ट्रात गारठा कायम राहण्याची, उर्वरित राज्यात किमान तापमानात चढ-उतार होण्याची शक्यता अंदाज हवामान विभागाने वर्तविली आहे.

उत्तर भारतात थंडीचा कडाका सातत्याने कमी-अधिक होत आहे. शनिवारी (ता. २०) मध्य प्रदेशातील नवगाव यथे देशाच्या सपाट भूभागावरील नीचांकी ३.१ अंश सेल्सिअस तापमान नोंदले गेले. पंजाब, हरियाना, चंडीगड, दिल्ली, उत्तर प्रदेश, राजस्थान, बिहार, झारखंड, सिक्कीम, मध्य प्रदेशमध्ये किमान तापमान ६ ते १० अंशांच्या दरम्यान आहे. उत्तर भारतात धुके, थंडीची लाट अनुभवायला मिळण्याची शक्यता आहे.

उत्तर महाराष्ट्रात थंडी कायम असून, धुळे येथील कृषी महाविद्यालयात राज्यातील नीचांकी १० अंश सेल्सिअस तापमानाची नोंद झाली. उर्वरित राज्यात किमान तापमानाचा पारा ११ ते १९ अंशांच्या दरम्यान आहे. मध्य महाराष्ट्रात गारठा कायम राहणार असून, उर्वरित राज्यात किमान तापमानात चढ-उतार होण्याची शक्यता हवामान विभागाने वर्तविली आहे.

शनिवारी (ता. २०) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअसमध्ये) :

पुणे ३१.१ (१३.४), नगर २९.८ (१४.४), धुळे २८ (१०), जळगाव २८.८ (११), कोल्हापूर २९.६ (१७.५), महाबळेश्‍वर २४.८ (१४), नाशिक २९.३ (१२.७), निफाड २८.२ (११), सांगली ३०.३ (१८.१), सातारा ३०.८ (१४.६), सोलापूर ३३.८ (१८.६), सांताक्रूझ २८.८ (१७.९), डहाणू २८.६ (१६.९), रत्नागिरी ३० (२०.४), छत्रपती संभाजीनगर २९.४ (१४.४), नांदेड ३०.८ (१८.६), परभणी ३१.४ (१७), अकोला ३०.२ (१७.४), अमरावती ३० (१५.७), बुलढाणा २९.४ (१५.७), ब्रह्मपुरी ३१.७ (१७.५), चंद्रपूर ३० (१५.४), गडचिरोली ३० (१६.४), गोंदिया २६ (१४.०), नागपूर २८.२ (१७.२), वर्धा २८.२ (१६.६), वाशीम ३१.२ (१५.४), यवतमाळ ३१.५ (१६.३).