Pune News: पावसाला पोषक हवामान असले तरी राज्यात उन्हाचा चटका वाढू लागला आहे. आज (ता. १७) मध्य महाराष्ट्र आणि मराठवाड्यात उष्ण व दमट हवामानाचा अंदाज असल्याने तसेच विदर्भात वादळी वारे, विजांसह पावसाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. उर्वरित राज्यात ढगाळ आकाशासह उन्हाचा चटका वाढण्याचा अंदाज आहे.

पश्चिम राजस्थान आणि परिसरावर समुद्र सपाटीपासून ९०० मीटर उंचीवर चक्राकार वारे वाहत आहेत. त्यापासून मध्य प्रदेश, मराठवाडा, कर्नाटक, रायलसीमा तमिळनाडू ते मनारच्या आखातापर्यंत हवेचा कमी दाबाचे पट्टा सक्रिय आहे. या प्रणाली पूरक ठरत असल्याने राज्यात अंशतः ढगाळ आकाशासह वादळी पावसाला पोषक हवामान होत आहे.

बुधवारी (ता. १६) सकाळपर्यंतच्या २४ तासांमध्ये अकोला येथे राज्यातील उच्चांकी ४३.७ अंश तापमानाची नोंद झाली. सोलापूर, चंद्रपूर, धुळे, यवतमाळ आणि जेऊर येथे ४२ अंशांपेक्षा अधिक, जळगाव, मालेगाव, छत्रपती संभाजीनगर, परभणी, अमरावती, नागपूर, वर्धा आणि वाशीम येथे ४१ अंशांपेक्षा अधिक तापमानाची नोंद झाली. राज्यात उन्हाचा चटका वाढल्याने उकाडा आणि झळा तापदायक ठरत आहेत.

आज (ता. १७) विदर्भातील बुलडाणा, अकोला, अमरावती, वाशीम, वर्धा, नागपूर, भंडारा, गोंदिया, यवतमाळ, चंद्रपूर आणि गडचिरोली जिल्ह्यात वादळी वारे, विजांसह पावसाची शक्यता असल्याने दक्षतेचा इशारा (येलो अलर्ट) देण्यात आला आहे. मध्य महाराष्ट्र आणि मराठवाड्यात उष्ण व दमट हवामानाचा अंदाज असल्याने दक्षतेचा इशारा आहे. उर्वरित राज्यात अंशतः ढगाळ आकाश, उष्ण व दमट हवामानाचा अंदाज कायम आहे.

बुधवारी (ता. १६) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

ठिकाणे---तापमान कमाल---तापमान किमान

पुणे---४०.८---१९.३

अहिल्यानगर---४०.८---२०.४

धुळे---४२.४---१९.८

जळगाव---४१.८---२५.८

जेऊर---४२.०---२१.०

कोल्हापूर---३९.६---२३.५

महाबळेश्वर---३३.४---२१.४

मालेगाव---४१.८---२५.०

नाशिक---३९.१---२०.८

निफाड---३९.०---१७.४

सांगली---४०.७---२३.६

सातारा---४०.३---२२.०

सोलापूर---४२.८---२७.०

सांताक्रूझ---३६.२---२४.१

डहाणू---३५.०---२३.७

रत्नागिरी---३४.२---२३.५

छत्रपती संभाजीनगर---४१.५---२५.५

धाराशिव---४०.८---२४.०

परभणी---४१.८---२६.५

परभणी (कृषी)---३९.०---१७.४

अकोला---४३.७---२८.१

अमरावती---४१.६---२४.५

भंडारा---३९.४---२३.०

बुलडाणा---३९.६---२८.०

चंद्रपूर---४२.६---निरंक

गडचिरोली---४०.०---२२.४

गोंदिया---३९.२---२१.८

नागपूर---४१.४---२४.३

वर्धा---४१.५---२४.४

वाशीम---४१.२---निरंक

यवतमाळ---४२.२---२६.०

सरासरी तापमान (अंश से.)

विभाग---किमान---कमाल

विदर्भ---२१.८---४३.७

मराठवाडा---१७.४---४१.८

पश्‍चिम महाराष्ट्र---१९.३---४२.८

उत्तर महाराष्ट्र---१७.४---४२.५

कोकण---२३.५---३६.२

उष्ण व दमट हवामानाचा इशारा (येलो अलर्ट) :

नंदूरबार, धुळे, जळगाव, नाशिक, छत्रपती संभाजीनगर, अहिल्यानगर, बीड, पुणे, सोलापूर, धाराशीव.

वादळी पावसाचा इशारा (येलो अलर्ट) :

बुलडाणा, अकोला, अमरावती, वाशीम, वर्धा, नागपूर, भंडारा, गोंदिया, यवतमाळ, चंद्रपूर, गडचिरोली.

४२ अंशांपेक्षा अधिक तापमान असलेली ठिकाणे :

अकोला ४३.७, सोलापूर ४२.८, चंद्रपूर ४२.६, धुळे ४२.४, यवतमाळ ४२.२, जेऊर ४२.