Pune News: पावसाने उघडिपीने उन्हाचा चटका तापदायक ठरत असतानाच, राज्यात पावसाला पोषक हवामान होत आहे. आज (ता. २२) कोकणातील रायगड, रत्नागिरी, सिंधुदुर्ग, तसेच सातारा आणि कोल्हापूरच्या घाटमाथ्यावर मुसळधार पावसाची शक्यता असल्याने दक्षतेचा इशारा ‘ऑरेंज अलर्ट’ देण्यात आला आहे. तर उर्वरित कोकणासह, मराठवाडा आणि विदर्भात तुरळक ठिकाणी जोरदार पावसाच्या सरींची शक्यता असल्याने दक्षतेचा इशारा (येलो अलर्ट) हवामान विभागाने दिला आहे.

पश्चिम राजस्थान आणि परिसरावर चक्राकार वारे वाहत आहेत. मॉन्सूनचा आस असलेला कमी दाबाचा पट्टा काहीसा उत्तरेकडे सरकला असून, जम्मू, चंडीगड, फतेहगड, वाराणसी, रांची, दिघा ते ईशान्य बंगालच्या उपसागरापर्यंत सक्रिय आहे. दक्षिण कर्नाटक ते आंध्र प्रदेशच्या किनाऱ्यादरम्यान पूर्व आणि पश्चिमेकडून वाहणाऱ्या वाऱ्यांचे जोडक्षेत्र कायम आहे. दक्षिण ओडिशा आणि परिसरावर चक्राकार वाऱ्यांची स्थिती असून, उत्तर बंगालच्या उपसागरात गुरुवारपर्यंत (ता. २४) कमी दाबाचे क्षेत्र तयार होण्याचे संकेत आहेत.

सोमवारी (ता. २१) सकाळपर्यंतच्या २४ तासांमध्ये मुंबईसह कोकणात मध्यम ते जोरदार पावसाने हजेरी लावली आहे. उर्वरित राज्यात मुख्यतः पावसाची उघडीप असल्याने उन्हाचा चटका आणि उकाडा तापदायक ठरत आहे. विदर्भातील अकोला येथे राज्यातील उच्चांकी ३५.४ अंश तापमानाची नोंद झाली. ‎‎तर जेऊर येथे तापमान ३५ अंश तापमानाची नोंद झाली.

आज (ता. २२) कोकणातील रायगड, रत्नागिरी, सिंधुदुर्ग आणि सातारा घाटमाथा, कोल्हापूरच्या घाटमाथ्यावर मुसळधार पावसाची शक्यता असल्याने दक्षतेचा इशारा ‘ऑरेंज अलर्ट’ देण्यात आला आहे. मुंबई, ठाणे, पुणे घाटमाथा, गडचिरोली जिल्ह्यात जोरदार सरींची, तसेच पालघर, धाराशिव, लातूर, नांदेड, अमरावती, नागपूर, भंडारा, गोंदिया जिल्ह्यात विजांसह पावसाची शक्यता असल्याने दक्षतेचा इशारा (येलो अलर्ट) आहे. उर्वरित राज्यात तुरळक ठिकाणी हलक्या ते मध्यम पावसाची शक्यता आहे.

सोमवारी (ता. २१) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---२९.२---२२.३

अहिल्यानगर---३२.८---२२.३

‎‎धुळे---३२.५---२०.०

जळगाव---३४.८---२६.०

जेऊर---३५.०---२०.०

‎‎कोल्हापूर---२७.२---२२.२

महाबळेश्वर---२०.१---१७.४

मालेगाव---३४.०---२१.८

‎‎नाशिक---२९.४---२२.८

‎निफाड---३१.०---२४.३

‎सांगली---२८.५---२१.९

‎सातारा---२७.७---२२.५

‎सोलापूर---३४.२---२४.३

‎सांताक्रूझ---३०.८---२५.०

डहाणू---३२.१---२५.०

‎रत्नागिरी---२९.४---२४.२

‎छत्रपती संभाजीनगर---३३.५---२३.५

‎धाराशिव---३१.६---निरंक

‎परभणी---३३.३---२५.०

परभणी (कृषी)---३३.५---२४.१

‎‎अकोला---३५.४---२७.१

अमरावती---३४.२---२३.९

बुलडाणा---३०.२---२२.६

‎ब्रह्मपुरी---३१.८---२३.९

‎चंद्रपूर---३२.६---२५.६

‎गडचिरोली---३१.०---२४.०

‎गोंदिया---३१.८---२४.२

‎नागपूर---३२.८---२४.२

‎वर्धा---३२.२---२५.४

‎वाशीम---३१.२---२३.४

‎यवतमाळ---३४.०---२४.४

मुसळधार पावसाचा इशारा (ऑरेंज अलर्ट) :

रायगड, रत्नागिरी, सिंधुदुर्ग, सातारा घाटमाथा, कोल्हापूर घाटमाथा.

जोरदार पावसाचा इशारा (येलो अलर्ट) :

मुंबई, ठाणे, पुणे घाटमाथा, गडचिरोली.

विजांसह पावसाचा इशारा (येलो अलर्ट) :

पालघर, धाराशिव, लातूर, नांदेड, अमरावती, नागपूर, भंडारा, गोंदिया.