Pune News : राज्यातील काही भागात ढगाळ वातावरण आणि काही भागात कडक ऊन आहे. रात्रीची उष्णताही असह्य होत आहे. हवामान विभागाने आज आणि उद्याही राज्यातील काही भागात पाऊस तर बहुतांशी ठिकाणी ऊन वाढण्याचा अंदाज दिला. तसेच उष्ण रात्रही राहील, असा अंदाज दिला.

हवामान विभागाने आज सिंधुदूर्ग, रत्नागिरी आणि पालघर जिल्ह्यात काही ठिकाणी उष्णतेच्या लाटेचा इशारा हवामान विभागाने दिला. तर ठाणे, मुंबई आणि रायगड जिल्ह्यातही काही ठिकाणी आज आणि उद्या उष्णतेच्या लाटेचा इशारा दिला. तसेच सांगली आणि सोलापूर जिल्ह्यातही काही ठिकाणी उष्णतेच्या लाटेचा ईशारा दिला. 

मराठवड्यातील बीड आणि हिंगोली जिल्ह्यात ही ठिकाणी मेघगर्जनेसह पावसाचा अंदाज आहे. तर नांदेड, लातूर आणि धाराशिव जिल्ह्यात आज विजा आणि मेघदगर्जनेसह काही ठिकाणी वादळी पावसाचा अंदाज दिला. तर रात्रीची उष्णताही जास्त राहील, असे हवामान विभागाने स्पष्ट केल. 

अमरावती, भंडारा, चंद्रपूर, गडचिरोली, गोंदीया, नागपूर, वर्धा, वाशीम आणि यवतमाळ जिल्ह्यातील काही ठिकाणी विजा आणि मेघगर्जनेसह वादळी पावसाचा अंदाज हवामान विभागाने दिला. तर उद्यापासून राज्यात हवामान कोरडे राहू उन्हाचा चटका वाढेल, असाही अंदाज हवामान विभागाने दिला.