Pune News : राज्याच्या काही भागात कालपासून ढगाळ वातावरणासह हलका पाऊस पडत आहे. तर हवामान विभागाने काही भागात गारपीट आणि वादळी पावसाचा अंदाज दिला. तर काही ठिकाणी उन्हाची तापम कायम राहील, असाही अंदाज दिला.

हवामान विभागाने आज विदर्भातील चंद्रपूर, गडचिरोली आणि गोंदीया जिल्ह्यातील काही भागात गारपीट होण्याची शक्यता आहे. तर या जिल्ह्यांमधील काही ठिकाणी विजा आणि मेघगर्जनेसह वादळी पावसाचा अंदाज दिला.

तसेच यवतमाळ, वर्धा, नागपूर, भंडारा, लातूर, नांदेड, हिंगोली आणि बीड जिल्ह्यात काही ठिकाणी वादळी पावसाची शक्यताही हवामान विभागाने वर्तविली. 

तर उद्यापासून पुढील दोन ते तीन दिवस हिंगोली, बीड, परभणी, नांदेड, लातूर, धाराशिव, अकोला, अमरावती, भंडारा, बुलडाणा, चंद्रपूर, गडचिरोली, गोंदीया, नागपूर, वर्धा, वाशीम आणि यवतमाळ जिल्ह्यातील काही भागात विजा आणि मेघगर्जनेसह वादळी पावसाचा अंदाज दिला.