Pune News: राज्यातील बहुतांशी भागात तापमानात चढ उतार सुरु आहेत. यंदा फेब्रुवारीतच उन्हाळ्याची चाहूल लागली आहे. तापमान अनेक ठिकाणी ३५ अंशाच्या पुढे सरकले आहे.

आजही सोलापूर येथे ३६.६ अंश सेल्सिअस तापमानाची नोंद झाली होती. तर निफाड येथे ९.५ अंशाची नोंद झाली. राज्यातील तापमानातील चढ उतार कायम राहतील, असा अंदाज हवामान विभागाने दिला.

उत्तर भारतातील अनेक भागात थंडीचा कडाका कायम दिसत आहे. तर काही ठिकाणी तापमान वाढलेले दिसत आहे. म्हणजेच उत्तर भारतातही तापमानातील चढ उतार कायम आहेत.

उत्तर भारतात १२.६ किलोमीटर उंचीपर्यंत १३० ते १४० नॉट्स वेगाने पश्चिमेकडील जोरदार वाऱ्यांचे प्रवाह कायम आहेत. आज पंजाबमधील आदमपूर येथे देशाच्या सपाट भूभागावरील नीचांकी ४.२ अंश सेल्सिअस तापमानाची नोंद झाली.

राज्यातील किमान आणि कमाल तापमानातील तफावत कायम आहे. आजही सकाळी अनेक भागात चांगला गारवा जाणवला. मात्र दुपारी उन्हाचा चटका असह्य होत आहे. दुपारच्या वेळी राज्यातील बहुतांशी भागात तापमान वाढले आहे.

आज राज्यात सर्वात कमी तापमानाची नोंद निफाड येथील गहू संशोधन केंद्रात झाली. आज येथे ९.५ अंश सेल्सिअस तापमान होते. तर सर्वाधिक तापमान सोलापूर येथे ३६.६ अंश सेल्सिवर होते. राज्यातील तापमानात चढ उतार कायम राहतील, असा अंदाज हवामान विभागाने दिला.