Pune News : राज्यातील अनेक भागात कमाल तापमानात घट झाली आहे. तर काही ठिकाणी किमान तापमानातही घट नोंदली गेली. उत्तर भारतातील थंडीचा कडाका कायम असून थंडी आणखी वाढण्याचा आहे.

राज्यातील हवामानात थंडी वाढली आहे. किमान तापमानात अनेख ठिकाणी घट झाली. किमान तापमानात सर्वाधिक घट मराठवाड्यात झाल्याचे दिसते. तर कमाल तापमानात सर्वाधिक घट मालेगाव येथे दिसते.

राज्यातली थंडी वाढल्याने गावांमध्ये शेकोट्या पेटत आहेत. रात्रीही थंडीचा कडाका वाढला. पुढील काळात थंडी आणखी वाढण्याचा अंदाज असल्याचे हवामान विभागाने म्हटले आहे.

उत्तर भारतातील थंडीचा कडाका वाढला. पंजाब, हरियाना, चंदीगड, दिली, उत्तर राजस्थान आणि पश्चिम उत्तर प्रदेशातील मधील बहुतेक भागात किमान तापमान ४ अंश सेल्सिअस ते ८ अंश सेल्सिअसच्या दरम्यान होते.

तसेच उत्तर प्रदेश, दक्षिण राजस्थान, मध्य प्रदेश, छत्तीसगड आणि बिहारमधील बहुतेक भागात ८ अंश सेल्सिअस ते १२ अंश सेल्सिअसच्या दरम्यान तापमानाची नोंद झाली. पंजाबमधील काही भागात सकाळच्या काळात दाट धुके पडत आहे. तर पंजाबमधील काही भागात थंडीची लाटही आहे, असे हवामान विभागाने स्पष्ट केले.