Pune News : राज्यात ढगाळ हवामान असल्याने किमान तापमान वाढ झाली आहे. यामुळे अनेक भागात आजही थंडी कमीच होती. राज्यातील थंडी कमीच राहण्याचा अंदाज आहे. तर उत्तर महाराष्ट्र आणि विदर्भात काही ठिकाणी ढगाळ हवामानासह किरकोळ पावसाची शक्यता असल्याचे हवामान विभागाने म्हटले आहे.  

उत्तर भारतता वाढलेली थंडी काही प्रमाणात टिकून आहे. उत्तर भारतातील अनेक ठिकाणी किमान तापमानात घट झालेली आहे. उत्तरेकडील राज्यात दाट धुके आणि कडाक्याची थंडी अनुभवायला मिळत आहे.

आज राजस्थानमधील नागापूर येथे देशाच्या सपाट भूभागावरील नीचांकी ३.७ अंश सेल्सिअस तापमानाची नोंद झाली. तर आग्नेय अरबी समुद्रामध्ये चक्राकार वाऱ्यांची स्थिती निवळली आहे. उत्तर भारतात पश्‍चिमेकडील जोरदार वाऱ्यांचे झोत वाहत आहेत. 

राज्यात मात्र ढगाळ वातावरणाचा परिणाम दिसून येत आहे. तसेच नाशिक जिल्ह्यात काही ठिकाणी पाऊसदेखील झाला. नगर आणि पुणे जिल्ह्यातही काही ठिकाणी किरकोळ स्वरुपाच्या सरी झाल्या.

राज्यात गेले काही दिवस धुके पाहायला मिळत आहे. तर दिवसा ढगाळ वातावरण राहत आहे. कार कारणाने थंडी कमीच आहे. आजही उत्तर महाराष्ट्र आणि विदर्भातील काही भागात किरकोळ पावसाचा अंदाज हवामान विभागाने दिला.