Pune News: उत्तर भारतातील बहुतांशी ठिकाणी आज थंडी कमी झाली होती. उत्तर भारतातून थंड वाऱ्यांचे प्रवाह खंडीत झाले आहेत, तसेच राज्यात ढगाळ आणि कोरड्या हवामानामुळे थंडी कमीच आहे.

राज्यात उन्हाचा चटका आणि उकाडा वाढत आहे. राज्यात आकाश अंशतः ढगाळ होण्याची व किमान तापमानात चढ-उतार कायम राहण्याची शक्यता हवामान विभागाने व्यक्त केली. तसेच फेब्रुवारी महिन्याच्या सुरुवातीला पावसाला पोषक हवामान होण्याचा अंदाज हवामान विभागाने वर्तविली आहे.

उत्तर भारतातील अनेक भागात आज थंडी कमी झाली होती. आज उत्तर प्रदेशातील फुरसगंज येथे देशाच्या सपाट भूभागावरील नीचांकी ६.१ अंश सेल्सिअस तापमानाची नोंद झाली. एकामागोमाग येणाऱ्या पश्चिमी चक्रवातांबरोबरच वायव्य भारतात १२.६ किलोमीटर उंचीपर्यंत १४५ नॉट्स वेगाने पश्चिमेकडील जोरदार वाऱ्यांचे प्रवाह कायम आहेत. उत्तर भारतात थंडीचा कडाका कमी-अधिक होत आहे.

राज्यात थंडीतील चढ उतार कायम आहेत. राज्यातील बहुतांशी भागात किमान तापमानात वाढ झालेली आहे. आज निफाड येथील गहू संशोधन केंद्रात राज्यातील निचांकी ११ अंश सेल्सिअस तापमानाची नोंद झाली होती.

तर राज्यातील इतर भागातील किमान तापमान १२ अंशाच्या पुढे होते. राज्यात आकाश अंशतः ढगाळ होण्याची व किमान तापमानात चढ-उतार कायम राहण्याची शक्यता हवामान विभागाने व्यक्त केली. तसेच फेब्रुवारी महिन्याच्या सुरुवातीला पावसाला पोषक हवामान होण्याचा अंदाज हवामान विभागाने वर्तविली आहे.