Maharashtra Goverment: राज्य सरकारनं आजवर घोषणांचा पाऊस पाडून शेतकऱ्यांना गाजर दिलंय. त्यामुळं राज्य सरकारच्या शब्दावरही शेतकऱ्यांचा विश्वास राहिलेला नाही. पण असं असलं तरी शेतकरी, शेतकरी नेते आणि विरोधकांच्या वाढत्या दबावामुळं विधानसभा निवडणुका डोळ्यासमोर ठेवून शेतकरी कर्जमाफीची घोषणा करण्यात येईल, या चर्चेला उधाण आलं आहे. याला दुजोरा देणारी मतही बँकिंग क्षेत्रातील जाणकारांनी व्यक्त केलीत. झारखंड आणि तेलंगणानंतर महाराष्ट्र सरकारही कर्जमाफीची घोषणा करू शकतं, असं बँकिंग तज्ञाकडून बोललं जातंय. त्यामुळं राज्य सरकार शेतकरी कर्जमाफी करणार का, पुन्हा एकदा पोकळ आश्वासनांचा पाऊस पाडणार ते लवकरच स्पष्ट होईल.