Ganesh Chaturthi 2026: गणेशोत्सवानिमित्त कोकणात जाणाऱ्या गणेशभक्तांसाठी आनंदाची बातमी आहे. त्यांना यंदाही पथकर (टोल) माफी आणि इतर सोयी सुविधा उपलब्ध करुन देण्याचा निर्णय राज्य सरकारने घेतला आहे. गणेशोत्सव आठ दिवसांवर असताना हा निर्णय घेतल्याने टोलमाफीचा पास लवकर मिळण्याचा मार्ग मोकळा झाला आहे. .गणेशोत्सवादरम्यान मुंबई, पनवेल, ठाणे आणि इतर भागातून त्यांच्या मूळ गावी जाणाऱ्या गणेशभक्तांसाठी सरकारकडून दरवर्षी टोलमाफी देण्यात येते. त्यासाठी पास दिले जातात. यंदाच्या गणेशोत्सव कालावधीतही कोकणात जाणाऱ्या गणेशभक्तांच्या वाहनांना पथकरातून सूट देण्याचा व इतर सोयी सुविधा उपलब्ध करुन देण्याचा निर्णय घेतला आहे. याबाबत सार्वजनिक बांधकाम विभागाने परिपत्रक जारी केले आहे..Maharashtra Cabinet Decisions: नोकरीसाठी सुधारित आरक्षण धोरण ते प्रगती प्रकल्प, राज्य मंत्रिमंडळाचे ७ महत्त्वाचे निर्णय.दि.११ सप्टेंबर २०२६ ते दि. २७ सप्टेंबर २०२६ या कालावधीमध्ये मुंबई-बंगळूर राष्ट्रीय महामार्ग, मुंबई- गोवा राष्ट्रीय महामार्ग, सार्वजनिक बांधकाम विभागाच्या तसेच महाराष्ट्र राज्य रस्ते विकास महामंडळाच्या अखत्यारीतील कोकणात जाणारे रस्ते व नगर विकास विभागाच्या अखत्यारितील अटलबिहारी वाजपेयी शिवडी-न्हावाशेवा अटल सेतूमार्ग या रस्त्यांवरील पथकर नाक्यांवरुन कोकणात जाणाऱ्या गणेशोत्सव भाविकांच्या वाहनांना पथकरातून सवलत देण्यात आली आहे. तसेच महाराष्ट्र राज्य मार्ग परिवहन महामंडळाच्या बसेसना ही सवलत लागू राहणार आहे..Maratha Reservation: मराठा समाजाला न्याय देण्यासाठी कार्यवाही सुरु, मुख्यमंत्री फडणवीसांची माहिती.टोलमाफी पास उपलब्ध करुन देण्याची सूचनायासाठी 'गणेशोत्सव २०२६- कोकण दर्शन' अशा आशयाचे टोलमाफी असलेले पास दिले जाणार आहेत. वाहन क्रमांक, चालकाचे नाव, मार्ग, प्रवासाची तारीख असा मजकूर त्यावर असेल. हे पास आवश्यक त्या संख्येनुसार परिवहन विभाग, वाहतूक पोलीस/पोलीस, संबंधीत प्रादेशिक परिवहन विभाग (आरटीओ) यांनी समन्वय साधून पोलीस स्थानक, वाहतूक पोलीस चौक्या व आरटीओ कार्यालयामध्ये उपलब्ध करुन द्यावेत. तसेच सदरचे पास परतीच्या प्रवासासाठी ग्राह्य धरण्यात येतील, असे सांगण्यात आले आहे..गणेशोत्सवासाठी महाराष्ट्र राज्य मार्ग परिवहन महामंडळाची बसेस महाराष्ट्रातील ज्या जिल्ह्यातून येणार आहेत. तेथील पोलीस विभाग किंवा प्रादेशिक परिवहन विभागाकडे पासेस उपलब्ध करुन देण्यात येतील. संबंधित जिल्ह्यातून गौरी-गणपती वाहतुकीसाठी रवाना होणाऱ्या महाराष्ट्र राज्य परिवहन महामंडळाच्या बसेसना पथकर माफी असलेले पासेस लावून-चिकटवून सदरच्या बसेस रवाना होतील, असे परिपत्रकात नमूद करण्यात आले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
