loan waiver: शेतकऱ्यांनी कर्जमाफीची मागणी अजेंड्यावर ठेवलेली दिसते. असं असलं तरी सरकार सगळं वातावरण लाडकी बहीण योजना, कापूस आणि सोयाबीन अनुदान, पीकविमा भरपाई, मोफत वीज याभोवती फिरवत आहे. सरकार या योजनांवर जोर देऊन कर्जमाफीच्या मागणीची धार बोथट करण्याचा प्रयत्न करत आहे. पण सरकार जर हे सगळं निवडणूक जिंकण्यासाठी करत असेल तर सरकार शेतकऱ्यांची नाराजी घेणार नाही. शेतकऱ्यांनी पुढच्या काळात कर्जमाफीचा मुद्दा अजेंड्यावर आणला, जोरदार मागणी केली तर सरकार कर्जमाफीही करेल. पण त्यासाठी शेतकऱ्यांचा रेटा आवश्यक असेल.