Weather Update:  दक्षिण गुजरातपासून उत्तर केरळपर्यंत किनाऱ्याला समांतर हवेचा कमी दाबाचा पट्टा विस्तारला आहे. आज (ता. २७) कोकण आणि घाटमाथ्यावर तुरळक ठिकाणी जोरदार सरींची शक्यता आहे. रायगड, पुणे, सातारा जिल्ह्याच्या घाटमाथ्यावर तुरळक ठिकाणी दक्षतेचा इशारा (ऑरेंज अलर्ट) देण्यात आला आहे. उर्वरित कोकण, मध्य महाराष्ट्रात तुरळक ठिकाणी जोरदार सरींची शक्यता आहे. उर्वरित राज्यात ढगाळ हवामानासह ऊन सावल्यांच्या खेळात श्रावण सरींची शक्यता हवामान विभागाने वर्तविली आहे.