Kharif paddy care: चिखलणीच्या वेळी भात पिकास हेक्टरी ४० किलो नत्र, ५० किलो स्फुरद आणि ५० किलो पालाश द्यावे. हेक्टरी ०५ टन गिरिपुष्पाचा पाला चिखलणीच्या वेळेस दिल्यास ५०% नत्र खताची मात्रा कमी करून द्यावी. काही भागात मुसळधार पावसाची शक्यता वर्तविण्यात आली असल्यामुळे पावसाची तीव्रता कमी असताना भाताच्या पुनर्लागवडीची कामे पूर्ण करून घ्यावीत. १२ ते १५ सेंमी उंचीची आणि ५ ते ६ पाने फुटलेली, जातींच्या पक्वता कालावधीनुसार २१ ते २७ दिवसांची रोपे लागवडीसाठी वापरावीत.