Turmeric price: देशातील बाजारात हळदीच्या भावात मागील काही आठवड्यांपासून चढ उतार सुरु आहेत. सध्या हळदीला सरासरी १० हजार ते ११ हजार रुपयांच्या दरम्यान दर मिळत आहेत. श्रावण महिन्यामुळे केळीला चांगला उठाव मिळत आहे. केळीला बाजारात सध्या १४५० ते १७५० रुपये प्रतिक्विंटल असा दर मिळत आहे. गव्हाचा बाजार मागील काही आठवड्यांपासून एका भावपातळीवर स्थिर दिसत आहे. यामुळे दर २ हजार ४०० ते २ हजार ७०० रुपयांच्या दरम्यान सरासरी दर मिळत आहे. राज्यातील बाजारात गवारचे दर तेजीत आहेत. सध्या बाजारात गावरला ६ हजार ते ८ हजार रुपये गुणवत्तेनुसार दर मिळत आहे. मक्याला देशात चांगली मागणी आहे. मात्र, वाढलेले उत्पादन आणि वाढती आयात यामुळे दरावर दबाव आहे. सध्या मका २ हजार १०० ते २ हजार ३०० रुपयांच्या दरम्यान विकला जात आहे.