मॉन्सूनचा मुख्य पट्टा उत्तरेकडे सरकल्यामुळे महाराष्ट्रात गेल्या पाच दिवसांपासून पावसाने उघडीप दिली आहे. राज्यातील बहुतांश भागांत ऊन-सावल्यांचा खेळ सुरू असून कमाल तापमान 30 ते 35 अंश सेल्सिअस दरम्यान पोहोचले आहे. त्यामुळे उकाडा आणि आर्द्रतेमुळे घामाच्या धारा वाहू लागल्या आहेत.

दरम्यान, हवामान विभागाच्या अंदाजानुसार सोमवारपर्यंत राज्यात बहुतांश ठिकाणी पावसाची उघडीप कायम राहण्याची शक्यता आहे. मात्र मंगळवारपासून (ता. 15) विदर्भासह काही भागांत वातावरणात बदल होऊन मेघगर्जनेसह हलक्या ते मध्यम पावसाच्या सरी पुन्हा सुरू होण्याची शक्यता आहे.