Maharashtra Farmer Protest Demands: नियमित कर्जदारांना २ लाख देण्यासह शेतकऱ्यांच्या इतर मागण्यांसाठी क्रांतिकारी शेतकरी संघटनेचे संस्थापक अध्यक्ष रविकांत तुपकर यांनी २७ ऑगस्टला मुंबईत मंत्रालयासमोर आंदोलन करण्याची घोषणा केली होती. पण या आंदोलनाच्या पार्श्वभूमीवर तुपकर यांना बुलढाणा शहर पोलिसांनी नोटीस बजावली आहे. यावर तुपकर यांनी संताप व्यक्त करत आम्ही आंदोलनावर ठाम असल्याचे स्पष्ट केले आहे. .सात दिवसांत सरकारने आमच्या मागण्यांवर निर्णय घ्यावा अन्यथा मंत्रालय परिसरातील मंत्र्यांचे बंगले आणि सरकारी वाहनांचा प्रतिकात्मक जाहीर लिलाव करु, असा इशारा त्यांनी दिला होता. या पार्श्वभूमीवर, सार्वजनिक शांतता व कायदा- सुव्यवस्था अबाधित राहावी तसेच शासकीय मालमत्तेस कोणतीही हानी होऊ नये, या उद्देशाने पोलिसांनी भारतीय नागरिक सुरक्षा संहिता, २०२३ चे कलम १६८ अन्यये तुपकर यांना नोटीस जारी केली आहे..Farmers Protest: नियमित कर्जदारांना २ लाख देण्यासह शेतकऱ्यांच्या मागण्यांसाठी मुंबईत २७ ऑगस्टला आंदोलन- रविकांत तुपकर.असे कोणतेही कृत्य करु नये ज्यामुळे दखलपात्र गुन्हा घडण्याची शक्यता निर्माण होईल किंवा सार्वजनिक शांततेस बाधा निर्माण होईल. शासकीय बंगले, कार्यालये अथवा शासकीय वाहनांबाबत अनधिकृत ताबा, अडवणूक, नुकसान किंवा प्रत्यक्ष कृती होणार नाही याची दक्षता घ्यावी. शासकीय अधिकारी, कर्मचारी यांच्या कर्तव्यात अडथळा निर्माण होईल अथवा सर्वसामान्य नागरिकांना त्रास होईल, असे कोणतेही कृत्य करु नये, अशी सूचना बुलढाणा शहर पोलिस स्थानकाचे पोलिस निरीक्षक संग्राम पाटील यांनी नोटिसीतून केली आहे. .Farmer Children Protest: एकरकमी एफआरपीसाठी शेतकरी पाल्यांचे आंदोलन.यावर तुपकर यांनी, सरकार आणि प्रशासनाने कितीही दबाव आणला तरी आंदोलन मागे घेणार नसल्याचे स्पष्ट केले आहे. काहीही झाले तरी २७ ऑगस्ट रोजी मुंबईत आंदोलन होईल. सरकारने आंदोलन दडपण्याचा प्रयत्न केला, तर त्याचे गंभीर परिणाम सरकारला भोगावे लागतील, असा इशारा त्यांनी दिला आहे. .नियमित कर्ज परतफेड करणाऱ्या शेतकऱ्यांना ५० हजार रुपयांऐवजी २ लाख रुपयांचे प्रोत्साहन अनुदान देण्यात यावे. आयकर भरणाऱ्या शेतकऱ्यांना कर्जमाफीच्या कक्षेत आणावे, २००९,२०१७ व २०१९ च्या कर्जमाफीपासून वंचित राहिलेल्या पात्र शेतकऱ्यांनाही आताच्या कर्जमाफीचा लाभ द्यावा, कर्ज पुनर्गठनामुळे कर्जमाफीपासून वंचित राहिलेल्या शेतकऱ्यांचाही योजनेत समावेश करा, तसेच एकवेळ समझोता योजनेमुळे (ओटीएस) शेतकऱ्यांचे सिबिल खराब होणार नाही, याची हमी द्यावी, यासह अनेक मागण्या तुपकरांनी सरकारसमोर ठेवल्या आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
