Moong urad farming guide: जमिनीची निवड आणि पूर्व मशागत:

मध्यम ते भारी व पाण्याचा उत्तम निचरा होणारी जमीन निवडावी. क्षारयुक्त, पाणथळ किंवा उतारावरील जमीन टाळावी. पिकाची पूर्व मशागत करताना खोल नांगरट करून पहिल्या पावसाच्या नंतर वखरपाळी घ्यावी. माती भुसभुशीत करण्यासाठी कुळवाच्या २ पाळ्या द्याव्यात. शेवटच्या पाळीपूर्वी प्रति हेक्टर १५-२० गाड्या चांगले कुजलेले शेणखत टाकावे.

पेरणीचा योग्य काळ:

पेरणी मॉन्सूनच्या पहिल्या पावसानंतर व जमीन वाफसा झाल्यावर त्वरित करावी. शक्यतो जूनच्या दुसऱ्या आठवड्यात पेरणी पूर्ण करावी. ७ जुलैनंतर पेरणी टाळावी, कारण पिकाच्या वाढीवर विपरीत परिणाम होतो.

बियाण्याचे प्रमाण व पेरणीचे अंतर:

प्रति हेक्टर १२-१५ किलो बियाण्यांचा वापर करावा. दोन ओळींतील ३० से.मी. व दोन रोपांतील १० सें.मी. अंतर ठेवून पेरणी करावी.