tiwa virus symptoms: वासरांमध्ये या आजाराचा प्रादुर्भाव तुलनेने कमी असतो. सहा महिन्यांखालच्या वासरांमध्ये साधारणतः कोणतीही लक्षणे दिसत नाहीत. मात्र धष्टपुष्ट आणि जास्त दूध देणाऱ्या जनावरांमध्ये लक्षणे तीव्र स्वरूपात आढळतात. विशेषतः गायीपेक्षा बैलांमध्ये या आजाराचे प्रमाण अधिक दिसते. तिवा हा रॅबडोवायरस कुलातील ‘एफिमिरो’ विषाणूमुळे होतो.

प्रसार कसा होतो?

या विषाणूचा प्रसार मुख्यतः कुलिक्वायडस प्रजातीच्या चावणाऱ्या माशांद्वारे तसेच डासांमुळे होतो.

पावसाळ्यात, थंडीमध्ये किंवा वातावरणात अचानक बदल झाल्यास अशा माशांचा प्रादुर्भाव वाढतो.

तिवा रोगाचा प्रसार प्रामुख्याने माशांमुळे होतो. एखाद्या गावातील एका जनावराला हा आजार झाल्यास, माशांच्या चाव्यांमुळे तो इतर जनावरांमध्ये झपाट्याने पसरतो.

त्यामुळे हा आजार अचानक संपूर्ण परिसरात फैलावण्याची शक्यता वाढते.