Farmer identity card deadline: केंद्र आणि राज्य सरकारकडून शेतकरी ओळखपत्र तयार करण्याची प्रक्रिया सध्या सुरु आहे. आतापर्यंत नोंदणीकृत शेतकऱ्यांची संख्या १ कोटींच्या पुढे गेली आहे. मात्र अजूनही बऱ्याच शेतकऱ्यांनी आपलं शेतकरी ओळखपत्र तयार केलेलं नाही. कृषी विभागाने सर्व योजनांसाठी शेतकरी ओळखपत्र अनिवार्य केलं आहे. त्यामुळे पीकविमा, नुकसान भरपाई, अतिवृष्टीमुळे मिळणारा मदत निधी, पीएम किसान यांसारख्या योजनांचा लाभ घेण्यासाठी हे ओळखपत्र आवश्यक ठरणार आहे. ओळखपत्र नसल्यास शेतकऱ्यांना या योजनांपासून वंचित राहावं लागू शकतं. म्हणूनच प्रत्येक शेतकऱ्याने लवकरात लवकर आपलं ओळखपत्र तयार करून घ्यावं.