Crop Insurance: मागील वर्षीपासून राज्यात एक रुपयांत पीक विमा योजना राबविल्याने त्यास मोठा प्रतिसाद मिळत आहे. मागील वर्षी १ कोटी ७० लाख शेतकऱ्यांनी पीक विमा भरला होता. यंदा गेल्यावर्षीपेक्षा जास्त अर्ज येतील अशी शक्यता होती. पण वेगवेगळ्या अडणींमुळे अनेक शेतकऱ्यांना अर्ज भरता आले नाही. १४ जुलैअखेर १ कोटी ३६ लाख पीक विमा अर्ज भरले आहे. मुदतवाढ मिळाली तर सर्व शेतकऱ्यांना अर्ज भरता येतील. आता राज्याच्या कृषी विभागाने केंद्राकडे मागणी केली. विमा कंपन्यांनीही त्याला पाठींबा दिला. त्यामुळे ही मुदतवाढ मिळण्याची दाट शक्यता आहे, असे कृषी विभागाच्या सुत्रांनी सांगितले.