Cotton MSP 2025: सीसीआयने आतापर्यंत ६५ लाख गाठी कापसाची विक्री केली. सीसीआयने आता कापूस विक्रीचे दर ५५ हजारांवरून ५७ हजार रुपये प्रतिखंडीपर्यंत वाढवले आहेत. जागतिक बाजारातील मंदावलेली स्थिती आणि देशांतर्गत मागणी कमी असल्यामुळे उत्पादन घटले असले तरी दर फारसे वाढले नाहीत. खुल्या बाजारात कापसाला हमीभावापेक्षा कमी दर मिळत असल्याने, शेतकऱ्यांनी यंदा थेट सीसीआयला विक्री करण्याला प्राधान्य दिले. यंदा कापूस बाजारात स्टॉकिस्ट फारसे उतरले नाहीत, त्यामुळे सर्वाधिक साठा सीसीआयकडे गेला. यंदा सीसीआयने तब्बल १ लाख गाठींपर्यंत कापसाची खरेदी केली आहे. हा साठा सीसीआय हळूहळू बाजारात विकत आहे.