अमेरिकेतील दक्षिण डाकोटा राज्य विद्यापीठातील संशोधकांनी मोहरीवर्गीय पिकातील कॅमेलिना आणि कॅरेनाटा बियांपासून ग्लुकोसिनोलेट हा घटक वेगळा करण्यात यश मिळविले आहे. त्यामुळे मोहरी वर्गातील पिकातील विषारी असलेला घटक वेगळा करून पशुखाद्यामध्ये पेंडींचा वापर वाढविणे शक्य होणार अाहे. तसेच बुरशी, तणे किंवा कर्करोग पेशींना नष्ट करण्यामध्ये हा घटक उपयुक्त ठरणार आहे. त्यामुळे या पिकांतून चांगला फायदा मिळू शकतो.

कॅमेलिना आणि कॅरेनाटा या अखाद्य तेलबियांपासून मिळविलेल्या तेलाचा वापर जेट इंधन म्हणून केला जातो. या जैव इंधनाचा वापर करणे आर्थिकदृष्ट्या फायद्याचे ठरत नाही. बियातून तेल काढल्यानंतर शिल्लक राहिलेल्या पेंडीमधून ग्लुकोसिनोलेट हा घटक वेगळा करण्याचे तंत्र विकसित करण्यात अाले अाहे. त्याविषयी माहिती देताना दक्षिण डाकोटा राज्य विद्यापीठातील जैवप्रक्रिया अभियंते व सहयोगी प्रा. झेंग्रॉंग जिम्मी गू यांनी सांगितले, की ग्लुकोसिनोलेट हा घटक तेल काढल्यानंतरही शिल्लक राहतो. या पेंडीमधून हा घटक वेगळा करण्याचे तंत्र विकसित केल्यामुळे कोणत्याही अनुदानाशिवाय जैवइंधन फायद्याचे ठरू शकते. असा होईल फायदा