अमेरिकन अंतरीक्ष संशोधन संस्था (नासा) यांच्यातर्फे खास मातीतील ओलाव्याचे प्रमाण मोजण्यासाठी उपग्रह पाठवण्यात आला होता. त्याच्याकडून उपलब्ध झालेल्या माहितीच्या आधारे अमेरिकन कृषी विभागाने जागतिक कृषी क्षेत्र आणि विविध पिकांच्या उत्पादनावर लक्ष ठेवण्यात येत आहे. या माहितीतून पिकांच्या उत्पादनाचे अंदाज आधीच मिळवणे शक्य होणार आहे. अमेरिकेतील नासा या संस्थेने २०१५ मध्ये मातीतील आर्द्रता मोजण्याच्या उद्देशाने खास एक उपग्रह (The Soil Moisture Active Passive mission, किंवा SMAP) पाठवला होता. त्याकडून गोडार्ड स्पेस फ्लाईट सेंटरमध्ये उपलब्ध होत असलेल्या माहितीची सांगड अमेरिकी कृषी विभागाच्या परकीय कृषी सेवेच्या माहितीशी घालण्यात येत आहे. त्याद्वारे जगभरातील कृषी क्षेत्रामध्ये दुष्काळ किंवा पूरप्रवण स्थितीवर लक्ष ठेवणे शक्य होणार आहे. त्याचप्रमाणे विविध विभागांतील मातीचा ओलावा, तापमान, पावसाचे प्रमाण, हिरवळीचे प्रमाण आणि एकूण पिकांची स्थिती समजण्यास मदत होणार आहे.

अधिक माहितीसाठी वेबसाइट ः http://smap.jpl.nasa.gov https://ipad.fas.usda.gov/cropexplorer/ https://explorer.earthengine.google.com/#detail/NASA_USDA%२FHSL%२FSMAP_soil_moisture