सॅनफ्रान्सिस्को येथील प्लेन्टी या कंपनीने मजल्याच्या शेतीला यंत्रमानव आणि कृत्रिम बुद्धिमत्ता यांची जोड देत उत्तम दर्जाच्या भाजीपाला आणि औषधी वनस्पतींच्या शेतीमध्ये क्रांती केली आहे. या संपूर्णपणे संरक्षित, अंतर्गत शेतीमध्ये पारंपरिक शेतीच्या तुलनेमध्ये ९५ टक्के पाणी आणि ९९ टक्के क्षेत्र कमी वापरले जाणार आहे.  गेल्या काही वर्षांमध्ये शेतकरी शेती अधिक सुलभ, अचूक करण्यासाठी ड्रोन्स, यंत्रमानव यांसारख्या आधुनिक साधनांचा वापर करत आहेत. केवळ कृषी क्षेत्रामध्ये लागवडीपासून काढणीपर्यंत विविध टप्प्यांवर कार्यरत असलेल्या स्टार्टअप उद्योगांची संख्या १६०० पेक्षा अधिक असून, एकूण गुंतवणूक ही दहा अब्ज डॉलरपेक्षा अधिक आहे. अशा स्टार्टअपपैकी एक असलेल्या प्लेन्टी या कंपनीचे सहसंस्थापक आणि मुख्य संशोधन अधिकारी नॅटे स्टोरे यांनी शेती आणि पद्धतीमध्ये संपूर्णपणे नावीन्यता आणली आहे. नॅटे स्टोरे यांनी सांगितले, की व्हर्टिकल फार्मिंग आणि बंदिस्त शेती हेच शेतीचे भविष्य असणार आहे. या आधुनिक पद्धतीमुळे जगाच्या पाठीवर कुठेही, वर्षभर शेती करता येईल. या शेतामध्ये यंत्रमानव कौशल्याची कामे करतील, तर कृत्रिम बुद्धिमत्तेने विविध आवश्यक निर्णय घेतले जातील. परिणामी फळे, भाजीपाला आणि औषधी वनस्पती उत्पादनांचा दर्जा उच्चतम पातळीवर राहील. केवळ दोन एकर व्हर्टिकल फार्ममध्ये ७२० एकर सपाट शेतीइतके उत्पादन घेता येईल. व्हर्टिकल फार्मची वैशिष्ट्ये 

पर्यावरणासाठी फायदे