Agriculture Department Job : सरकारी नोकरी करण्याची इच्छा असणाऱ्यांसाठी एक आनंदाची बातमी आहे, ती म्हणजे भारतीय पशुपालन निगम लिमिटेड अंतर्गत सर्वेक्षक आणि सर्वेक्षक प्रभारी पदांसाठी मेगा भरती केली जाणार आहे. या भरतीअंतर्गत ३ हजार ४४४ जागा भरण्यासाठी पदांनुसार पात्र आणि इच्छुक असणाऱ्या उमेदवारांकडून अर्ज मागविण्यात येत आहेत. भरतीसाठी उमेदवारांना ऑनलाईन पद्धतीने अर्ज करता येणार आहे. या भरतीसाठी आवश्यक शैक्षणिक पात्रता, वयोमर्यादा, अर्ज करण्याची शेवटची तारीख याबाबतची माहिती जाणून घेऊया.

भारतीय पशुसंवर्धन महामंडळ लिमिटेड मध्ये बंपर भरती आली आहे. या भरती परीक्षेला बसू इच्छिणाऱ्या सर्व इच्छुक उमेदवारांना 5 जुलैपूर्वी या परीक्षेसाठी अर्ज भरावा लागेल. तुम्हाला या भरतीशी संबंधित सर्व माहिती BPNL च्या   www.bharatiyapashupalan.com अधिकृत वेबसाइटवर मिळेल.

किती पदांची भरती होणार

भारतीय पशुपालन निगम लिमिटेड म्हणजेच BPNL ने सर्वेक्षण प्रभारी आणि सर्वेक्षक पदासाठी बंपर भरती काढली आहे. या भरतीमध्ये सर्वेक्षण प्रभारी पदासाठी ५७४ तर सर्वेक्षक पदासाठी २ हजार ८७० जागा निश्चित करण्यात आल्या आहेत. ज्यांना सर्वेक्षण प्रभारी पदासाठी अर्ज करायचा आहे, त्या उमेदवारांची वयोमर्यादा २१ ते ४० वर्षांच्या दरम्यान असणे आवश्यक आहे. यासोबतच त्यांचा भारतातील मान्यताप्राप्त महाविद्यालयातून 12वी उत्तीर्ण असणे आवश्यक आहे. तर, सर्वेक्षक पदासाठी इच्छुक असलेल्या उमेदवारांची वयोमर्यादा १८ ते ४० वर्षांच्या दरम्यान असावी आणि त्यांनी १० वीची परिक्षा उत्तीर्ण केली असावीा. या भरतीसाठी केवळ 10वी किंवा 12वी उत्तीर्णच अर्ज करू शकतात, असे नाही. तुम्ही यापेक्षा जास्त शिक्षित असाल तरीही तुम्ही या भरतीसाठी अर्ज करू शकता.

या भरती परीक्षेची फॉर्म फी किती आहे

भारतीय पशुसंवर्धन महामंडळ लिमिटेडच्या भरती परीक्षेच्या फीबद्दल बोलायचे झाल्यास, उमेदवारांना सर्वेक्षण प्रभारी पदासाठी अर्ज करण्यासाठी ९४४ रुपये शुल्क जमा करावे लागेल. याशिवाय सर्वेक्षक पदासाठी अर्ज करू इच्छिणाऱ्या उमेदवारांचे शुल्क ८२६ रुपये ठेवण्यात आले आहे. सर्व उमेदवारांची निवड ऑनलाइन चाचणी आणि मुलाखतीच्या आधारे केली जाईल. सर्वात महत्त्वाचे म्हणजे अर्जाची प्रक्रिया सुरू झाली असून अंतिम तारीख ५ जुलै २०२३ आहे.