Chhatrapati Sambhajinagar : मराठवाड्यातील आठही जिल्ह्यात २०२२-२३ मध्ये महात्मा गांधी राष्ट्रीय ग्रामीण रोजगार हमी योजनेअंतर्गत ५७९९.५३ हेक्टर वर फळबागाची लागवड झाली. दिलेल्या उद्दिष्टाच्या तुलनेत कमी फळबाग लागवड झाली त्याचा थेट परिणाम २०२३ - २४ च्या उद्दिष्टांवर दिसतो आहे.

मराठवाड्यात फळबागाच क्षेत्र विस्तारते आहे. खास करून मोसंबी, सीताफळ, केशर आंबा यासह नवख्या ड्रॅगन फ्रूट आधी फळपिकांना शेतकरी पसंती देताना दिसत आहेत. २०२२-२३ मध्ये आठही जिल्ह्यासाठी ९ हजार ५६५ हेक्टरवर फळबाग लागवडीचे उद्दिष्ट देण्यात आले होते.

त्यामध्ये छत्रपती संभाजीनगर, जालना, बीड, या तीन जिल्ह्या मिळून ३ हजार ७५० हेक्टर तर लातूर, धाराशिव, नांदेड, परभणी, हिंगोली या पाच जिल्ह्यात ५ हजार ८१५ हेक्टर फळबाग लागवडीचा समावेश होता.

कृषीच्या छत्रपती संभाजीनगर विभागात तीन जिल्ह्यात उद्दिष्टाच्या तुलनेत २ हजार ४५९.९९ हेक्टर तर लातूर कृषी विभागातील पाच जिल्ह्यात उद्दिष्टाच्या तुलनेत ३३९.५४ हेक्टर वरच फळबाग लागवड शक्य झाल्याचे कृषी विभागाच्या अहवालातून स्पष्ट झाले आहे.

यंदा ८ हजार २०० हेक्टर लागवडीचे उद्दिष्ट

मराठवाड्यातील आठही जिल्ह्यात २०२२- २३ मध्ये महात्मा गांधी राष्ट्रीय ग्रामीण रोजगार हमी योजनेअंतर्गत ९ हजार ५६५ हेक्टर फळबाग लागवडीचे उद्दिष्ट गाठले गेले नाही.

त्याचा थेट परिणाम यंदाच्या उद्दिष्टांवर दिसतो आहे. २०२३-२४ च्या हंगामासाठी २०२२ २३ मधील उद्दिष्टाच्या तुलनेत घट करून ८ हजार २०० हेक्टरचे उद्दिष्ट देण्यात आले आहे.

२०२२-२३ मधील फळबाग लागवड उद्दिष्ट व साध्य (हेक्टरमध्ये)

जिल्हा उद्दिष्ट साध्य

छ. संभाजीनगर - १२००- ६०८.९७

जालना - १८००- १५३९.३८

बीड - ७५० - ३११.६४

लातूर - १२००- ११५९.२

धाराशिव - १११०- ४२२.१

नांदेड- १५९० - २८३.०६

परभणी - १२२० - १२६२.७८

हिंगोली - ६५५ - २१२.४

२०२३-२४ साठी फळबाग लागवडीचे उद्दिष्ट( हेक्टरमध्ये)

छत्रपती संभाजीनगर - १०००

जालना- १८००

बीड - ५००

लातूर - १३००

धाराशिव - ८००

नांदेड - ७००

परभणी - १५००

हिंगोली - ६००