हिंगोली ः पंतप्रधान पीक विमा योजनेअंतर्गत (Crop Insurance Scheme) यंदाच्या (२०२२-२३) रब्बी हंगामात (Rabi Season) जिल्ह्यातील शेतकऱ्यांनी १८ हजार ५१७ विमा प्रस्ताव सादर केले आहेत.

शेतकऱ्यांनी ६७ लाख ३३ हजार २३४ रुपये विमा हप्ता भरून ११हजार ६७३ हेक्टरवरील पिकांसाठी ४४ कोटी ८८ लाख ८३ हजार ४७५ रुपयाचे विमा संरक्षण घेतले आहे, अशी माहिती कृषी विभागाच्या (Agriculture Department) सूत्रांनी दिली.

रब्बी हंगामातील ज्वारी, गहू, हरभरा, करडई आदी पिकांना विमा योजना लागू आहे. पीकविमा प्रस्ताव सादर करण्याच्या विहित मुदतीत जिल्ह्यातील सर्व पाच तालुक्यांतील शेतकऱ्यांनी जनसुविधा केंद्र, बँकांमार्फत विमा प्रस्ताव सादर केले आहेत.

शेतकरी हिश्‍शाचा ६७ लाख ३३ लाख २३४ रुपये, राज्य आणि केंद्र सरकारच्या हिश्याचा प्रत्येकी २०४ कोटी ६० लाख २८३ रुपये मिळून एकूण ४७६ कोटी ५३ लाख ८०१ रुपये एवढा विमा हप्ता आहे. विमा कंपनीने पीकनिहाय विमा संरक्षित क्षेत्राची माहिती उपलब्ध करुण दिली नाही, असे सूत्रांनी सांगितले.

रब्बीचे पीकविमा प्रस्ताव स्थिती

तालुका विमा प्रस्ताव विमा हप्ता(लाखात विमा संरक्षित क्षेत्र (हेक्टरमध्ये)

• हिंगोली ९९४ ३.४० ५५५

• कळमनुरी ५६२० २५.१९ ४४५१

• वसमत २७१९ ९.२८ १६१९

• औंढा नागनाथ ५६६८ १८.५९ ३२००

• सेनगाव ३४१६ १०८५ १८४६