सिंधुदुर्ग  ः जिल्ह्यात सोमवारी (ता. ६) पहाटे तीन वाजल्यापासून वादळसदृश‍ वारे वाहू लागले आहेत. अचानक आलेल्या या वाऱ्यांमध्ये बागायतदारांमध्ये चिंतेचे वातावरण आहे. वाऱ्यांमुळे चार ते पाच दिवसांपासून असलेल्या थंडीचे प्रमाण कमी झाले आहे.

जिल्ह्यात २ जानेवारीपासून थंडीला सुरुवात झाली. त्यानंतर थंडीचे प्रमाण वाढत होते. परंतु, रविवारी (ता. ५) रात्रीपासून थंडीचे प्रमाण कमी झाले. सोमवारी पहाटे तीन वाजल्यापासून जिल्ह्यात जोरदार वारे वाहू लागले. या वाऱ्याला वेगही चांगला आहे. जिल्ह्याच्या पूर्वपट्टयात वाऱ्याचा वेग अधिक आहे.

जिल्ह्यात साधारणपणे नोव्हेंबर महिन्यात अशा प्रकारे वारे वाहतात. मात्र, सोमवारी पहाटेपासून सुरू असलेल्या या वाऱ्यांमुळे आंबा, काजू बागायतदार धास्तावले आहेत. वाऱ्यांमुळे काही ठिकाणी झाडांच्या फांद्या कोसळून पडल्या आहेत. समुद्रात वादळ निर्माण झाल्यामुळे गेल्या महिन्यात जिल्ह्यात वारे वाहत होते. परंतु, सध्या समुद्र शांत असून समुद्रात कोणतेही वादळ निर्माण झालेले नाही.

अशी आहे स्थिती