नाशिक : ‘कोरोना’चा प्रादुर्भाव नियंत्रित करण्यासाठी राज्य सरकार सातत्याने प्रयत्नशील आहे. याकामात योगदान देण्यासाठी नाशिक अॅग्रो ङिलर असोसिएशनच्या वतीने ११ लाख ११ हजार १११ रुपयांची मदत मुख्यमंत्री सहायता निधीसाठी देण्यात आली आहे. या रकमेचा धनादेश कृषिमंत्री दादा भुसे यांच्याकडे सुपूर्द करण्यात आला.

‘कोरोना’च्या पार्श्वभूमीवर सरकार, पोलीस, वैद्यकीय यंत्रणांसह विविध घटक अहोरात्र परिश्रम घेऊन लढा देत आहेत. या आपत्तीसाठी जिल्ह्यातील १५ तालुक्यांतील २५०० सभासदांनी खारीचा वाटा एकत्र करून ही रक्कम जमा केली आहे. हा धनादेश सुपूर्द करतेवेळी असोसिएशनचे अध्यक्ष भगवान खैरनार, उपाध्यक्ष अरुण मुळाणे, लक्ष्मीकांत जगताप, चंद्रकांत ठक्कर, जिल्हा अधीक्षक कृषी अधिकारी, संजय पडवळ, नाडाचे निफाड तालुका अध्यक्ष बाळासाहेब जाधव, नाशिक तालुका अध्यक्ष रामभाऊ जाधव आदी उपस्थित होते.