खेड शिवापूर (ता. भोर) येथील कृषी सेवा केंद्रातून खतांची खरेदी करताना शेतकरी.
खेड शिवापूर (ता. भोर) येथील कृषी सेवा केंद्रातून खतांची खरेदी करताना शेतकरी. 
मुख्य बातम्या

पुणे जिल्ह्यात अनावश्यक खते खरेदी करण्याची कृषी केंद्र चालकांकडून सक्ती 

टीम अॅग्रोवन

पुणे  ः शेतकऱ्यांना खरीप हंगामात खतांची आवश्यकता असते. बहुतांशी शेतकरी कृषी सेवा केंद्र चालकांकडून खते खरेदी करीत आहेत. मात्र, पुणे जिल्ह्यातील बहुतांशी ठिकाणी शेतकऱ्यांना निविष्ठा विक्रेत्यांकडून नको असलेली खते खरेदी करण्याची सक्ती केली जात आहे. त्यामुळे शेतकऱ्यांना आर्थिक भुर्दंड सहन करावा लागत आहे. 

जिल्ह्यातील शेतकऱ्यांनी बाजरी, तूर, मूग, उडीद, सोयाबीन आदी पिकांची मोठ्या प्रमाणात पेरणी केली आहे. काही ठिकाणी अजूनही पेरणी सुरू आहे. पेरणीसाठी युरियाची मोठ्या प्रमाणात आवश्यकता असते. मात्र, जिल्ह्यातील अनेक भागात युरियाची टंचाई भासत आहे. त्यातच काही ठिकाणी विक्रेते युरियाची जादा दराने विक्री करत असल्याचे चित्र आहे. तसेच विक्रेते व कंपन्यांकडून युरियासोबत डीएपी किवा अन्य खते खरेदी करण्याची सक्ती केली जात आहे. गरज नसताना इतर खते माथी मारली जात असल्याने शेतकऱ्यांमधून नाराजी व्यक्त होत आहे. 

जिल्ह्यात खरिपाचे सरासरी क्षेत्र दोन लाख ३० हजार हेक्टर क्षेत्र आहे. त्यापैकी दोन लाखांहून अधिक क्षेत्रावर पेरणीचा अंदाज आहे. आत्तापर्यंत जिल्ह्यात जवळपास एक लाख ७७ हजार ५१३ हेक्टरवर पेरण्या झाल्या आहेत. पेरणीच्या वेळी आणि पिके वाढीच्या अवस्थेत असताना प्रामुख्याने युरियाची मोठ्या प्रमाणात गरज असते. 

खोपी (ता.भोर) येथील प्रगतीशील शेतकरी दादा पवार म्हणाले, की आमच्या भागात मोठ्या प्रमाणात भात लागवड होते. सध्या भात लागवडी सुरू झाल्या आहेत. त्यासाठी डीएपी व युरिया आवश्यक आहेत. अनेक शेतकरी कृषी सेवा केंद्रांकडे डीएपी व युरियाची मागणी करतात. मात्र, बहुतांशी दुकानदारांकडे खते उपलब्ध नाहीत. त्यामुळे शेतकऱ्यांना अडचणींचा सामना करावा लागत आहे. त्यातच काही विक्रेते शेतकऱ्यांना विक्रीच्या पावत्याही देत नसल्याचे दिसून येत आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Onion Rate : कांद्याचे बाजार शुल्क घटवले एक रुपयावरून ५० पैशांवर

Crop Damage : गारपीट, वादळी पाऊस होऊनही पीक नुकसान नसल्याचा अहवाल

Veterinary : पशुचिकित्सा पुनर्रचनेविरोधात पदविकाधारकांनी थोपटले दंड

Crop Damage : अवकाळी पावसामुळे एक हजार हेक्टरवर नासधूस

Onion Market : ‘एनसीसीएफ’द्वारे उद्यापासून सुरू होणार कांदा खरेदी

SCROLL FOR NEXT