संग्रहित छायाचित्र
संग्रहित छायाचित्र 
मुख्य बातम्या

खानदेशात दुबार पेरणीसाठी ताग, बाजरी, सोयाबीनला पसंती

टीम अॅग्रोवन

जळगाव  ः खानदेशात दुबार पेरणी आटोपली आहे. जळगाव, भुसावळ, यावल, नंदुरबार, शहादा भागातील अनेक शेतकऱ्यांना दुबार पेरणी करावी लागली आहे. दुबार पेरणीमध्ये ताग, बाजरी व सोयाबीनला शेतकऱ्यांनी पसंती दिली आहे. 

खानदेशात सुमारे १० हजार हेक्टरवर दुबार पेरणी करावी लागली आहे. याचे नेमके आकडे कृषी व इतर यंत्रणांकडे नाहीत. ही दुबार पेरणी कमी पावसासह जमिनी खरडणे, किडी यामुळे करावी लागली आहे. अनेक भागात कापूस लागवडीनंतर कमी पाऊस झाला. त्यात पाने खाणाऱ्या किडी सक्रिय झाल्या आणि पिकाचे नुकसान झाले. जळगाव, यावल भागात अशी पिके मोडण्याची वेळ मागील महिन्यात आली.

या क्षेत्रात शेतकऱ्यांनी सोयाबीनची पेरणी केली. काही भागांत कमी पावसामुळे सोयाबीनचे पीक मोडावे लागले. शहादा, जळगावमधील यावल, जळगाव भागात हा प्रकार घडला. यामुळे या क्षेत्रात अनेक शेतकऱ्यांनी ताग व बाजरीची पेरणी केली. तसेच अनेक भागात ज्वारी, कडधान्याचे पीक शेतकऱ्यांना मोडवे लागले. पीक मोडण्याची वेळ आल्याने शेतकऱ्यांचे नुकसान झाले. त्यात नव्याने बियाणे आणून पेरणी करावी लागली. जळगाव, यावल, भुसावळ भागात दुबार पेरणी अधिक शेतकऱ्यांना करावी लागली आहे.

दुबार पेरणी तूर्त बंद झाली आहे. या महिन्यात दोनदा पाऊस झाला आहे. जळगाव, भुसावळ, शहादा भागात चांगला पाऊस झाला आहे. तर यावल, बोदवड भागात पाऊस कमीच आहे. दुबार पेरणीनंतर एकदा चांगला पाऊस झाला आहे. यामुळे संबंधित भागात बीजांकुर बऱ्यापैकी झाले आहे. दुबार पेरणीत ताग, बाजरीची पेरणी अधिक दिसत आहे. तर जळगाव, यावल, शहादा भागात सोयाबीन अधिक आहे. सोयाबीनची दुबार पेरणी सुमारे एक हजार हेक्टरवर झाली आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Mahabeej Seed : महाबीजने बियाण्यात साधली विक्रमी वाढ

Unseasonal Rain : नगरसह नेवासा, पारनेर, शेवगावमध्ये वादळी पाऊस

Summer Groundnut Sowing : उन्हाळी भुईमुगाची लागवड यंदा कमी प्रमाणात

Summer Sowing : नांदेड जिल्ह्यात उन्हाळी हंगामात २७ हजार हेक्टरवर पेरणी

Gharkul Scheme : महिलांच्या सन्मानासाठी घरकुलाचे काम पूर्ण करा

SCROLL FOR NEXT