पुणे : मराठा आरक्षणाच्या मागणीसाठी आंदोलकांनी चाकण (ता. खेड) येथे काढलेल्या मोर्चाला हिंसक वळण लागले. या वेळी आंदाेलकांनी वाहनांवर दगडफेक करीत जाळपाेळ केली. यामध्ये सुमारे ३० वाहनांचे नुकसान झाले आहे. दगडफेकीत पाेलीस अधिकारी आणि नागरिक जखमी झाले आहेत. आंदाेलकांनी पाेलिस ठाण्यावरदेखील हल्ला करीत आवारातील वाहनांची ताेडफोड केली. या वेळी पोलिसांना आंदोलकांवर अश्रुधुराचा मारा करावा लागला. परिस्थिती नियंत्रणात आणण्यासाठी जिल्हाधिकाऱ्यांनी परिसरात जमावबंदी आदेश लागू केला.

सोमवारी सकाळी माेर्चा झाल्यानंतर आंदाेलन उग्र झाले. यामुळे पुणे-नाशिक महामार्गावरील दुतर्फा वाहतूक ठप्प झाली हाेती. यामुळे प्रवाशांचे माेठे हाल झाले. आंदोलनकर्त्यांनी केलेल्या जाळपाेळीमुळे माेठ्या प्रमाणावर आगीचे लाेट पसरले हाेते आंदोलकांच्या दगडफेकीत अतिरिक्त पोलिस अधीक्षक तेजस्विनी सातपुते जखमी झाल्या आहेत.

दरम्यान, आंदाेलकांना शांत करण्यासाठी आंबेठाण येथे कोल्हापूर परिक्षेत्राचे विशेष पोलिस महानिरीक्षक विश्‍वास नांगरे पाटील यांनी आंदाेलकांशी संवाद साधत, मी विश्‍वास नांगरे पाटील आहे. माझ्यावर विश्‍वास ठेवा. कुठल्याही अफवांवर विश्‍वास न ठेवता नागरिकांनी शांतता बाळगावी. लवकरच मागासवर्ग आयोगाचा अहवाल येणार असून, आरक्षणाचा विषय मार्गी लागेल. त्यामुळे कोणाचेही नुकसान होणार नाही, याची काळजी घ्या, असे आवाहन केले.