अकोला  ः सीताफळ महासंघाच्या पुढाकाराने शनिवारी (ता. ६) राहुरी येथील महात्मा फुले कृषी विद्यापीठाच्या नानासाहेब पवार सभागृहात राज्यस्तरीय कार्यशाळा अायोजित करण्यात आल्याची माहिती सीताफळ महासंघाचे अध्यक्ष श्याम गट्टाणी यांनी दिली.

महासंघातर्फे जळगाव, बार्शी, सासवड, नांदेड, नंदुरबार, जळगाव जामोद, सोलापूर, अंबाजोगाई, अकोला, परभणी, अमरावती, शेगाव अादी ठिकाणी सीताफळ कार्यशाळा घेण्यात अाल्या. राहुरी येथे होणाऱ्या कार्यशाळेच्या अध्यक्षस्थानी कुलगुरू डॉ. के. पी. विश्वनाथा असतील. कार्यशाळेचे उद् घाटन भारतीय कृषी शिक्षण व संशोधन परिषदेचे उपाध्यक्ष खासदार संजय धोत्रे यांच्या हस्ते होईल. या वेळी कृषी अायुक्त सचिंद्र प्रताप सिंह, कृषी परिषदेचे माजी उपाध्यक्ष विजय  कोलते उपस्थित राहतील.

या वेळी स्व. वि. ग. राऊळ स्मृती पुरस्कार वितरण, सीताफळाविषयी अभ्यास करणाऱ्या पदव्युत्तर विद्यार्थ्यास शिष्यवृत्ती, सीताफळ संशोधक शास्त्रज्ञ व सीताफळ प्रक्रिया उद्योजकांचा महासंघातर्फे सत्कार केला जाणार अाहे. या कार्यशाळेला सीताफळ बागायतदार, प्रक्रिया उद्योजकांनी उपस्थित राहण्याचे अावाहन  श्याम गट्टाणी, विद्यापिठाचे शिक्षण विस्तार संचालक डॉ. किरण कोकाटे, संशोधन संचालक डॉ. शरद गडाख, जिल्हा अधिक्षक कृषी अधिकारी पंडित लोणारे, महासंघाचे उपाध्यक्ष एकनाथ अागे, सचिव अनिल बोंडे, कोषाध्यक्ष मधुकर डेहनकर यांनी केले अाहे.