नांदेड : लोहा तालुका कृषी विभागाच्या कृषी तंत्रज्ञान व्यवस्थापन यंत्रणा (आत्मा) अंतर्गत गहू पिकांच्या शेतीशाळेद्वारे बुधवारी (ता.३) कलबंर बु. येथे मार्गदर्शन करण्यात आले. 

कृषी विभागाच्या धोरणानुसार रब्बी पिकांत महिला शेतकऱ्यांना प्रत्यक्ष शेतावर पिकातील विविध अवस्थेमध्ये मार्गदर्शन करण्यासाठी गहू शेतीशाळेचे आयोजन करण्यात आले.

रब्बी हंगामात सोयाबीन पिकानंतर बहुतांश शेतकरी गहू पीक लागवडीला महत्त्व देतात. यानुसार ‘आत्मा’चे प्रकल्प संचालक रविशंकर चलवदे, उपप्रकल्प संचालक माधव सोनटक्के, उपविभागीय कृषी अधिकारी रविकुमार सुखदेव, तालुका कृषी अधिकारी अरुण घुमनवाड यांच्या मार्गदर्शनाखाली ‘आत्मा’चे सहायक तंत्रज्ञान व्यवस्थापक सोहेल सय्यद, धरनी महिला शेतकरी गटाच्या  अध्यक्षा बिना कच्छवा यांनी ही शेतीशाळा घेतली.