जिल्ह्यात एप्रिल महिना सुरू झाल्यापासून पाणीटंचाई वाढ होऊ लागली असलीतरी गतवर्षीच्या तुलनेत मात्र कमी प्रमाणात टंचाई जाणवत आहे. गतवर्षी २० एप्रिलला ४५ टॅंकरद्वारे ४६ गावे २८३ वाड्यावस्त्यांवर पाणीपुरवठा केला जात होता.

या वर्षी मात्र अवघी सहा गावे व १५ वाड्यावस्त्यांवर पाच टॅंकर सुरू करण्यात आले आहे. माण, खटाव, कोरेगाव, खंडाळा व फलटण तालुक्‍यांत मोठ्या प्रमाणात जलसंधारणाची कामे झाल्यामुळे पाणीटंचाई कमी होण्यास मदत झाली आहे.