नगर ः कोरोना संसर्गाची ग्रामीण भागातही बाधा होऊ लागल्याने जिल्हा परिषदेच्या पाणी स्वच्छता विभाग आणि युनिसेफ यांच्या तर्फे गाव पातळीवर स्वच्छागृहीं नियुक्त केले आहेत. १ हजार ६९५ गावांतील स्वच्छागृहींना कोरोनाच्या उपाययोजनांबाबत जनजागृतीचे ऑनलाइन प्रशिक्षण दिले आहे, अशी माहिती जिल्हा परिषदेच्या पाणी व स्वच्छता विभागातून देण्यात आली. 

नगर जिल्ह्याच्या ग्रामीण भागात कोरोना संसर्गाचा प्रादुर्भाव वाढू लागला आहे. त्यामुळे प्रशासन अधिक दक्ष झाले आहे. कोरोनावर मात करण्यासाठी सर्वोतपरी प्रयत्न केले जात असुन जिल्हा परिषदेतील कर्मचारी, अधिकारीही कोरोनाच्या लढाईत सहभागी झाले आहेत. जिल्हा परिषदेच्या पाणी व स्वच्छता विभागानेही यासाठी पुढाकार घेतला असून ग्रामीण भागात कोरोना संरग्चाच्या पाश्वभूमीवर जनजागृतीसाठी स्वच्छागृही नियुक्त केलेले असून त्यांना कोरोना विषाणूची संकल्पना, स्वच्छता, मास्क हाताळणी, शारिरिक आंतर, गाव पातळीवर काम करणाऱ्या व्यक्तींनी घ्यावयाची काळजी, विविध आजाराने ग्रासलेल्या तसेच ज्येष्ठ व्यक्तीचा घ्यावयाची काळजी, आजाराबाबतचे समज, गैरसमज व अन्य बाबीवर ऑनलान प्रशिक्षण देण्यात आले. 

यावेळी युनिसेफच्या अर्पना कुलकर्णी, समन्वयक चंद्रकांत कचरे, बालाजी व्हरकटे, उपमुख्यकार्यकारी अधिकारी परिक्षित यादव, सचीन थोरात, प्रशांत जगताप, मनोज सकट उपस्थित होते.