अर्धापूर, जि. नांदेड : शेतकरी सन्मान अभियानांतर्गत मंगळवारी (ता. ८) सकाळी ११ वाजता अर्धापूर (जि. नांदेड) येथे आणि मसला (ता. गंगाखेड, जि. परभणी) येथे रात्री ८ वाजता स्वाभिमानी शेतकरी संघटनेचे अध्यक्ष खासदार राजू शेट्टी यांच्या सभांचे आयोजन करण्यात आले आहे. अर्धापूर येथील हनुमान मंदिजवळ आयोजित सभेस स्वाभिमानी शेतकरी संघटनेचे प्रदेशाध्यक्ष डाॅ. प्रकाश पोपळे, वस्त्रोउद्योग महामंडळाचे अध्यक्ष रविकांत तुपकर ,महिला आघाडीच्या प्रदेशाध्यक्षा रसिका ढगे, युवा आघाडीचे प्रदेशाध्यक्ष हंसराज वडगुले, विद्यार्थी आघाडीचे अमोल हिप्परगे उपस्थित राहणार आहेत. सरसकट शेतकऱ्यांना कर्जमाफीसाठीचे विनामूल्य असलेले फॉर्म भरून स्वाभिमानी शेतकरी संघटनेच्या पदाधिकाऱ्यांकडे द्यावेत. सभेस मोठ्या संख्यने उपस्थित राहावे असे आवाहन स्वाभिमानी शेतकरी संघटनेचे जिल्हाध्यक्ष प्रल्हाद इंगोले यांनी केले आहे. परभणी जिल्ह्यतील मसला (ता. गंगाखेड) येथे मंगळवारी (ता. ८) रात्री आठ वाजात शेतकरी सन्मान अभियानांतर्गत खासदार राजू शेट्टी यांची जाहीर सभा आयोजित करण्यात आली आहे, असे स्वाभिमानीचे मराठवाडा प्रमुख माणिक कदम, जिल्हाध्यक्ष भास्कर खटिंग, केशवर आरमळ यांनी सांगितले.